- 2019-07-09 03:43:33
- ព័ត៌មាន
គួរឲ្យសរសើរ! ផ្សារទំនើបមួយនៅថៃ ប្រើស្លឹកចេកខ្ចប់ជំនួសប្លាស្ទិក កាត់បន្ថយការបំពុលបរិស្ថាន
- 2019-07-09 03:43:33
- ចំនួនមតិ 0 | ចំនួនចែករំលែក 0
គួរឲ្យសរសើរ! ផ្សារទំនើបមួយនៅថៃ ប្រើស្លឹកចេកខ្ចប់ជំនួសប្លាស្ទិក កាត់បន្ថយការបំពុលបរិស្ថាន
ចន្លោះមិនឃើញ
ខណៈពេលដែលប្រទេសជាច្រើនជុំវិញពិភពលោក កំពុងជួបប្រទះបញ្ហាបម្រែបម្រួលអាកាសធាតុដោយសារការបំពុលបរិស្ថានធ្ងន់ធ្ងរ ផ្សារទំនើបមួយនៅថៃ ចាប់ផ្ដើមប្រើស្លឹកចេកខ្ចប់ជំនួសប្លាស្ទិក។
ផ្សារទំនើប Rimping ក្នុងខេត្តឈៀងម៉ៃប្រទេសថៃ បានចាប់ផ្ដើមកាត់បន្ថយការប្រើប្រាស់បា្លស្ទិក និងព្យាយាមរកដំណោះស្រាយជំនួសឲ្យបញ្ហាដែលកំពុងកើតឡើងសព្វថ្ងៃ។ វិធីជំនួសនោះគឺ ការប្រើប្រាស់ស្លឹកចេកដើម្បីវេចខ្ចប់ជំនួនឲ្យថង់ប្លាស្ទិកច្រើនលើសលប់។ យ៉ាងណាក៏ដោយ វិធីថ្មីនេះក៏នៅតែមានប្រើប្រាស់ប្លាស្ទិកក្នុងបរិមាណតិចតួចដែរដូចជាស្លាកបិទនៅពីលើជាដើម។ ប៉ុន្តែនេះ ជាជំហានដំបូងក្នុងការចាប់ផ្ដើមកាត់បន្ថយប្លាស្ទិកម្ដងបន្ដិចៗ មុនពេលដែលអាចលុបបំបាត់ការប្រើប្រាស់ទាំងស្រុង។
យ៉ាងណាមិញ ការជ្រើសរើសប្រើប្រាស់ស្លឹកចេកសម្រាប់វេចខ្ចប់ជំនួសប្លាស្ទិកនេះ ត្រូវបានទទួលការគាំទ្រ និងកោតសរសើរជាខ្លាំងដោយអាចជួយកាត់បន្ថយការបំពុលបរិស្ថានដែលកំពុងគំរាមកំហែងដល់អាយុជីវិតមនុស្សសត្វ៕