- 2019-07-19 00:10:00
- ព័ត៌មាន
គ្មានសញ្ញាបត្រជួសជុលប្រាសាទដូចគេ តែបើនិយាយពីជំនាញវិញមិនសរសើរមិនបាន
- 2019-07-19 00:10:00
- ចំនួនមតិ 0 | ចំនួនចែករំលែក 0
គ្មានសញ្ញាបត្រជួសជុលប្រាសាទដូចគេ តែបើនិយាយពីជំនាញវិញមិនសរសើរមិនបាន
ចន្លោះមិនឃើញ
អ្នកជំនាញជួសជុលប្រាសាទវ័យ៥៧ឆ្នាំលោក លឹម គង់ គ្មានទេសញ្ញាបត្រលើជំនាញជួសជុលប្រាសាទ ប៉ុន្តែតាមរយៈបទពិសោធន៍ធ្វើការជាច្រើនឆ្នាំជាមួយអ្នកជំនាញបរទេសនោះ លោកកំពុងក្លាយជាបុគ្គលសំខាន់មួយរូបក្នុងការជួសជុលប្រាសាទបុរាណខ្មែរ។
នៅលើទំព័រហ្វេសប៊ុកអាជ្ញាធរជាតិអប្សរាកាលពីខែឧសភាកន្លងទៅបានចុះផ្សាយពីរឿងរ៉ាវខ្លះៗរបស់លោក លឹម គង់។
ប្រភពខាងលើឲ្យដឹងថាថ្វីត្បិតមានវ័យចំណាស់បន្តិចមែនតែលោក លឹម គង់ មានជំនាញច្បាស់លាស់ក្នុងការតថ្ម រៀបថ្ម ដាប់ថ្ម លាយកាវ និងថែមទាំងកំពុងបង្រៀនកូនក្រុមរបស់ខ្លួនពីការងារនេះ ផងដែរ។
លោក លឹម គង់ ធ្លាប់បានធ្វើការជាមួយអ្នកជំនាញចិន ឥណ្ឌា ក្នុងការជួសជុលប្រាសាទ ហើយលោកបានធ្វើការជាអ្នកជួសជុលប្រាសាទនៅខេត្តបាត់ដំបង និងបន្ទាយមានជ័យ រហូតមកដល់ពេលនេះ កំពុងធ្វើការនៅអាជ្ញាធរជាតិអប្សរា និងកំពុងជួសជុលប្រាប្រសាទមេបុណ្យខាងលិច ក្នុងគម្រោងហសប្រតិបត្តិការរវាងអាជ្ញាធរជាតិអប្សរា និងស្ថានទូតបារាំង។
មានស្រុកកំណើតនៅភូមិគោកបេង សង្កាត់គោកចក ក្រុងសៀមរាប ខេត្តសៀមរាប បុរសរូបនេះ បានអះអាងថា៖ «ខ្ញុំសប្បាយចិត្តណាស់ ខ្ញុំចង់ធ្វើតែប្រាសាទ។ មួយជីវិតខ្ញុំនៅតែចង់បន្តធ្វើការងារនេះរហូតឱ្យតែនៅមានកម្លាំង ព្រោះខ្ញុំចង់ឱ្យបេតិកភណ្ឌពិភពលោកកាន់តែរីកចម្រើនតទៅមុខ កុំឱ្យរលុះបាក់បែក។ ខ្ញុំសោកស្តាយ ណាស់ដែលប្រាសាទខ្មែរជាច្រើនខូចខាត ខ្ទេចខ្ទាំ ខ្ញុំចង់ជួសជុលថ្មីឱ្យបានល្អដូចបុរាណវិញតាមសមត្ថភាពនិងការចេះដឹងរបស់ខ្ញុំ»។ នេះបើតាមសំណេររបស់អាជ្ញាធរជាតិអប្សរាដដែល។
ប្រភពបដដែលសរសេរបន្តថា លោក លឹម គង់ ក៏សង្ឃឹមថា មិនយូរទេប្រាសាទក្នុងប្រទេសខ្មែរនឹងទទួលបានការអភិរក្សជួសជុល ឱ្យរួច ផុតពីហានិភ័យ។ លោកក៏បានផ្ដាំដល់កូនខ្មែរទាំងអស់ចេះស្រឡាញ់ ការពារ ថែរក្សាប្រាសាទដូនតា។ ចំពោះលោក លឹម គង់មានមោទកភាពចំពោះការងាររបស់លោក និងបានប្តេជ្ញានឹងបន្តការងារនេះរហូត ដោយជឿថានឹងបានបន្សល់នូវស្នាដៃថ្មីលើវត្ថុបុរាណទុកឱ្យកូនចៅជំនាន់ក្រោយបានស្គាល់៕