- 2019-07-22 03:15:44
- ព័ត៌មាន
រដ្ឋបាលខណ្ឌដូនពេញសំណូមពរពលរដ្ឋទុកដាក់សំរាមឲ្យបានត្រឹមត្រូវពេលមកលេងនៅសួនវត្តបុទុម
- 2019-07-22 03:15:44
- ចំនួនមតិ 0 | ចំនួនចែករំលែក 0
រដ្ឋបាលខណ្ឌដូនពេញសំណូមពរពលរដ្ឋទុកដាក់សំរាមឲ្យបានត្រឹមត្រូវពេលមកលេងនៅសួនវត្តបុទុម
ចន្លោះមិនឃើញ
រដ្ឋបាលខណ្ឌដូនពេញលើកឡើងថាបើទោះបីជាកម្លាំងប្រជាការពារខិតខំបាញ់ទឹក លាងសម្អាតនៅបរិវេណសួនច្បារមុខវត្តបុទុមក្ដីក៏នៅតែមានប្រជាពលរដ្ឋមួយចំនួនតូចបន្សល់ទុកកាកសំណល់អាហារនៅលើសួនច្បារដដែល។
រូបភាពកាកសំណល់អាហារនៅលើការ៉ូឡានៅលើសួនវត្តមុវត្តបុទុមត្រូវបានរដ្ឋបាលខណ្ឌដូនពេញបង្ហោះផ្សាយលើទំព័រហ្វេសប៊ុករបស់ខ្លួននាព្រឹកនេះ។ រដ្ឋបាលខណ្ឌដូនពេញសរសេរទៀតថាកាលសំណល់អាហារនេះគឺត្រូវអ្នកមកលេងកម្សាន្តនៅសួននេះទុកចោលក្រោយបរិភោគរួចនាចន្លោះម៉ោង៣ទៅ៤ទាបភ្លឺថ្ងៃទី២២ ខែកក្កដា ឆ្នាំ២០១៩។
ប្រភពខាងលើសរសេរបន្តថា៖ «រដ្ឋបាលខណ្ឌដូនពេញ សូមសំណូមពរដល់បងប្អូនប្រជាពលរដ្ឋដែល អញ្ជើញមកលេងកម្សាន្ត សូមមេត្តាចោលសំរាម ក្នុងធុងសំរាមឲ្យបានត្រឹមត្រូវដើម្បីសោភ័ណភាពអនាម័យស្អាតល្អ នៅក្នុងទីក្រុងយើងទាំងអស់គ្នា»៕
