- 2019-07-23 02:58:25
- ព័ត៌មាន
សត្វផ្សោតមួយក្បាលត្រូវប្រទះឃើញថាស្លាប់នៅខេត្តក្រចេះកាលពីម្សិលមិញ
- 2019-07-23 02:58:25
- ចំនួនមតិ 0 | ចំនួនចែករំលែក 0
សត្វផ្សោតមួយក្បាលត្រូវប្រទះឃើញថាស្លាប់នៅខេត្តក្រចេះកាលពីម្សិលមិញ
ចន្លោះមិនឃើញ
សត្វផ្សោតឈ្មោលមួយក្បាលមានទម្ងន់ជាង១០០គីឡូក្រាមត្រូវប្រទះឃើញស្លាប់នៅខេត្តក្រចេះកាលពីម្សិលមិញ ដោយសង្ស័យថាស្លាប់ដោយសារជាប់មង។
ប្រភពពីWWF-Cambodiaបានឲ្យដឹថាកាលពីម្សិលមិញក្រុមការងារបានដឹងថាសត្វផ្សោតមួយក្បាលបានស្លាប់ ហើយសាកសពត្រូវគេប្រទះឃើញនៅក្នុង ភូមិកាកុត ឃុំសំបុក ស្រុកចិត្របុរី ទីរួមខេត្តខេត្តក្រចេះ។ ការស្លាប់នេះមន្ត្រីសង្ស័យថាដោយសារជាប់មង ដោយឃើញមានស្នាមមងនៅនឹងផ្នែកកន្ទុយ។
សត្វផ្សោតនេះមានទម្ងន់១០៤ គីឡូក្រាម ប្រវែងសរុប ១,៩៨ ម៉ែត្រ និងអាយុប្រហាក់ប្រហែលចន្លោះពី ១៥-១៨ ឆ្នាំ។ ប្រភពបន្តថាសត្វផ្សោតដែលស្លាប់នេះជាសត្វផ្សោតទី៥ហើយដែលបានត្រូវគេប្រទះឃើញថាស្លាប់តាំងពីខែមករា ឆ្នាំ២០១៩ រហូតមកដល់បច្ចុប្បន្ន ហើយចំនួនកូនផ្សោតដែលកើតក្នុងកំឡុងពេលដូចគ្នានេះគឺមានចំនួន៩ក្បាល។
WWF-Cambodia សរសេរទៀតថា៖ «ការដាក់មងនៅក្នុងតំបន់អភិរក្ស គឺជាកត្តាចំបងដែលធ្វើឲ្យមានការស្លាប់សត្វផ្សោតទន្លេមេគង្គ។ យើងខ្ញុំសូមអំពាវនាវ សូមកុំឲ្យមានការនេសាទខុសច្បាប់ក្នុងតំបន់អភិរក្សដើម្បីការពារសត្វផ្សោតទន្លេមេគង្គដែលជាបេតិកភណ្ឌមានជីវិតដ៏មានតម្លៃរបស់ប្រទេសយើង»៕