- 2019-07-30 09:35:13
- ព័ត៌មាន
ឥណ្ឌូនេស៊ីចាប់ផ្ដើមបញ្ជូនសំរាម ៧កុងតេន័រទៅហុងកុង និងបារាំងវិញ
- 2019-07-30 09:35:13
- ចំនួនមតិ 0 | ចំនួនចែករំលែក 0
ឥណ្ឌូនេស៊ីចាប់ផ្ដើមបញ្ជូនសំរាម ៧កុងតេន័រទៅហុងកុង និងបារាំងវិញ
ចន្លោះមិនឃើញ
រដ្ឋាភិបាលប្រទេសឥណ្ឌូនេស៊ី បានសម្រេចបញ្ជូនសំរាមចំនួន ៧កុងតេន័រទៅកាន់ហុងកុង និងបារាំងវិញនៅថ្ងៃទី៣០ ខែកក្កដានេះ។
យោងតាមមន្ត្រីគយនៅកោះ Batam ប្រទេសឥណ្ឌូនេស៊ីឲ្យដឹងថា កុងតេន័រទាំងអស់ មានផ្ទុកទៅដោយកាកសំណល់ផ្សេងៗរួមទាំងប្លាស្ទិក និងវត្ថុធាតុគ្រោះថ្នាក់ផ្សេងទៀតដែលបំពានទៅលើច្បាប់នៃការនាំចូលក្នុងប្រទេស។ ចំណែកឯអ្នកនាំពាក្យគយលោក Sumarna ឲ្យសារព័ត៌មានដឹងថា កុងតេន័រចំនួន ៥ត្រូវបានបញ្ជូនទៅកាន់ហុងកុង និងពីរផ្សេងទៀតទៅកាន់ប្រទេសបារាំង។ ជាមួយគ្នាដែរ អាជ្ញាធរកំពុងរង់ចាំបញ្ជូនសំរាមចំនួន ៤២កុងតេន័រផ្សេងទៀតទៅកាន់ប្រទេសអូស្ត្រាលី, សហរដ្ឋអាមេរិក និងអាល្លឺម៉ង់។
គួរឲ្យដឹងថា ប្រទេសជាច្រើននៅអាស៊ីជាច្រើនដូចជាហ្វីលីពីន, ឥណ្ឌូនេស៊ី, ម៉ាឡេស៊ី និងកម្ពុជាជាដើម កំពុងចាប់ផ្ដើមបញ្ជូនសំរាមជាច្រើនកុងតេន័រទៅកាន់ប្រទេសដើមវិញដូចជាសហរដ្ឋអាមេរិក, កាណាដា និងអូស្ត្រាលី៕