/5d41664875f4a_1564567080_medium.jpg)
- 2019-07-31 10:01:19
- ព័ត៌មាន
ក្ដៅៗ! កូរ៉េខាងជើង បាញ់មីស៊ីលផ្លោងចម្ងាយជិត ២គ្រាប់ទៀត នៅសមុទ្រខាងកើត
- 2019-07-31 10:01:19
- ចំនួនមតិ 0 | ចំនួនចែករំលែក 0
ក្ដៅៗ! កូរ៉េខាងជើង បាញ់មីស៊ីលផ្លោងចម្ងាយជិត ២គ្រាប់ទៀត នៅសមុទ្រខាងកើត
ចន្លោះមិនឃើញ
សាធារណរដ្ឋប្រជាធិបតេយ្យកូរ៉េ បានធ្វើការបាញ់មីស៊ីលផ្លោងចម្ងាយជិតចំនួន ២គ្រាប់ទៀតកាលពីថ្ងៃអង្គារកន្លងទៅនៅឆ្នេរនៃសមុទ្រខាងកើតប្រទេសកូរ៉េខាងជើង។
យោងតាមមន្ត្រីជាន់ខ្ពស់របស់កូរ៉េខាងត្បូងឲ្យដឹងថា ប្រព័ន្ធការពាររបស់ខ្លួន បានរកឃើញគ្រាប់មីស៊ីលចម្ងាយជិតពីរគ្រាប់បាញ់ចេញពីកូរ៉េខាងជើងកាលពីវេលាម៉ោង ៥:០៦នាទីព្រឹក។ មីស៊ីលចំនួនពីរគ្រាប់នេះ ត្រូវបានបាញ់ក្នុងរយៈចម្ងាយជាង ២៥០គីឡូម៉ែត្រ និងកម្ពស់ជាង ៣០គីឡូម៉ែត្រ។ ជាមួយគ្នានេះ កងទ័ពកូរ៉េខាងត្បូង កំពុងរក្សាជំហរការពារយ៉ាងរឹងមាំ ខណៈដែលតាមដានរាល់សកម្មភាពរបស់រដ្ឋាភិបាលក្រុងព្យុងយ៉ាងដោយយកចិត្តទុកដាក់។
គួរឲ្យដឹងថា ការបាញ់មីស៊ីលចម្ងាយជិត ២គ្រាប់នេះ ត្រូវបានធ្វើឡើងរយៈពេលមិនដល់មួយសប្ដាហ៍ផងក្រោយពេលដែលកូរ៉េខាងជើងបាញ់មីស៊ីលពីរគ្រាប់ផ្សេងទៀតនៅជិតតំបន់ Wonsan៕
