- 2019-08-07 07:41:13
- ព័ត៌មាន
ក្រុមសង្គ្រោះថា យុវជនធ្លាក់ជាប់ក្នុងរូងភ្នំនៅខេត្តបាត់ដំបង៤ថ្ងៃ ទទួលបានអាហារ
- 2019-08-07 07:41:13
- ចំនួនមតិ 0 | ចំនួនចែករំលែក 0
ក្រុមសង្គ្រោះថា យុវជនធ្លាក់ជាប់ក្នុងរូងភ្នំនៅខេត្តបាត់ដំបង៤ថ្ងៃ ទទួលបានអាហារ
ចន្លោះមិនឃើញ
ក្រុមសង្គ្រោះគ្រប់ផ្នែកកំពុងជួយសង្គ្រោះយុវជនម្នាក់ដែលបានធ្លាក់ជាប់រូងភ្នំ អំឡុងពេលចូលយកអាចម៍ប្រចៀវ មកដល់ពេលនេះ ទទួលបានអាហារ និងទាញរំកិលបានមកក្រៅបន្ដិចហើយ។ នេះបើតាមការបញ្ជាក់ពី លោកអនុសេនីយ៍ឯក សារ៉េត វិសេត អធិការរងទទួលការងារព្រហ្មទណ្ឌស្រុកភ្នំព្រឹក នៅរសៀលថ្ងៃទី ៧ ខែសីហា ឆ្នាំ២០១៩។
លោកបានប្រាប់ Sabay តាមទូរសព្ទថា ក្រោយពីបានទទួលដំណឹងថាមានយុវជនជាប់នៅក្នុងរូងភ្នំភ្លាម ក្រុមសមត្ថកិច្ចបានព្យាយាមមកជួយសង្គ្រោះ ហើយឥលូវនេះ ក្រុមសង្គ្រោះបានផ្ដល់អាហារ និងទឹកដល់យុវជនដែលជាប់ក្នុងរូងភ្នំរយៈពេល៤ថ្ងៃហើយ។
«ក្រោយផ្ដល់អាហារ ឥឡូវគាត់អាចនិយាយបាន ហើយយើងកំពុងទាញគាត់ចេញ ដោយបានប្រើក្រមា និងខ្សែចងស្មា និងក ទាញរំកិលតិចៗ ឥលូវក្បាល និងត្រគាកបានរំកិលចេញមកខាងក្រៅបន្តិចហើយ តែយើងឲ្យគាត់សម្រាកសិន យើងជឿជាក់ថា ១០០% នឹងជួយគាត់បាន»។ លោកអនុសេនីយ៍ឯក វិសេត និយាយ។
សូមបញ្ជាក់ថា យុវជន សំ បូរ៉ា វ័យ២៩ឆ្នាំ មានមុខរបរដើរកើបអាចម៍ប្រចៀវលក់ រស់នៅភូមិទឹកថ្លា ឃុំអង្គរបាន ស្រុកសំពៅលូន បានវង្វេងផ្លូវហើយដើរធ្លាក់ចូលក្នុងរូងភ្នំ កៀបជាប់ អស់រយៈពេល ៤ថ្ងៃ នៅនៅជួរភ្នំចក្រី ភូមិក្បាលហុង ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង៕