- 2019-08-12 08:16:58
- ព័ត៌មាន
ប្លែកម្ល៉េះ! អង្គរ មកវិញជាមួយរសជាតិថ្មី រូបរាងប្លែក មានរង្វាន់សរុប ១៣ លានដុល្លារ
- 2019-08-12 08:16:58
- ចំនួនមតិ 0 | ចំនួនចែករំលែក 0
ប្លែកម្ល៉េះ! អង្គរ មកវិញជាមួយរសជាតិថ្មី រូបរាងប្លែក មានរង្វាន់សរុប ១៣ លានដុល្លារ
ចន្លោះមិនឃើញ
កាលពីថ្ងៃ ១០ ខែសីហា ឆ្នាំ២០១៩ នេះ ក្រុមហ៊ុន ខេមប្រ៊ូវ (Cambrew) បានធ្វើកិច្ចបង្ហាញផលិតផល Angkor Premium Beerថ្មី ដែលមានកំណែទម្រង់ទៅលើរូបរាង និងរសជាតិ។ ជាមួយគ្នានេះ ក៏មានបន្ថែមជាមួយរង្វាន់ ដើម្បីលើកទឹកចិត្តអតិថិជនទៀតផង។
នាយកគ្រប់គ្រងទូទៅរបស់ក្រុមហ៊ុន ខេមប្រ៊ូវ លោក Michael Norgaard Jensen បានមានប្រសាសន៍ថា៖ «យើងចេញស្រាបៀរ Angkor Premium Beer ដែលបានកែប្រែរូបមន្តថ្មីនៅថ្ងៃនេះ គឺដើម្បីទាក់ទាញអ្នកពិសាស្រាបៀរជំនាន់ថ្មី ក្នុងចំណោមអតិថិជនស្មោះត្រង់រាប់លាននាក់ ដែលឲ្យតម្លៃទៅលើគុណភាព និងកាន់តែចង់ដឹងអំពីស្រាបៀរដែលពួកគេកំពុងពិសា។»
ខេមប៊្រូវ គឺស្ថិតក្នុងចំណោមក្រុមហ៊ុនផលិតស្រាបៀរធំជាងគេនៅក្នុងប្រទេសកម្ពុជា ហើយពួកគេមានផែនការយកចំណាត់ថ្នាក់លេខមួយក្នុងប្រទេសកម្ពុជា ដោយការបញ្ចេញស្រាបៀរអង្គរនេះ។
លោក Michael Norgaard Jensen បាននិយាយថា ៖ «យើងបានយករូបមន្តដើមកាលពីឆ្នាំ ១៩៩២ទៅធ្វើការកែប្រែទម្រង់រសជាតិនៅមន្ទីរពិសោធន៍របស់ពួកយើងនៅប្រទេសបារាំង និងដាណឺម៉ាកដោយកាត់បន្ថយរសជាតិល្វីង ដែលយើងបានឲ្យលោកអ្នក (មហាជនកម្ពុជា) ភ្លក់ហើយលោកអ្នកចូលចិត្តរសជាតិថ្មីនេះ។»
ស្រាបៀរនេះ ធ្វើសម្រាប់តម្រូវតាមចំណង់ចំណូលចិត្តរបស់មហាជនកម្ពុជា ហើយក្រៅពីទីផ្សារប្រទេសកម្ពុជា ក្រុមហ៊ុន ខេមប្រ៊ូវ នឹងនាំចេញស្រាបៀរថ្មីនេះទៅទីផ្សារប្រទេសអាស៊ីមួយចំនួន និងទីផ្សារអឺរ៉ុប។
អតិថិជនអាចសាកផលិតផលថ្មីនេះនៅតាមហាង និងដេប៉ូចែកចាយមួយចំនួនចាប់ពីថ្ងៃទី ១២ ខែសីហា ២០១៩ នេះ។ ក្នុងនោះក៏មានរង្វាន់សរុប ១៣ លានដុល្លារ និងមានរង្វាន់ធំបំផុតរហូតដល់ ១០០០ ដុល្លារ ដោយគ្រាន់តែគាស់ហើយយកលេខកូដនោះបញ្ចូលទៅទូរសព្ទដែលប្រើប្រព័ន្ធ Smart ហើយអាចបើករង្វាន់នោះនៅគ្រប់ Smart Shop ទាំងអស់។
ក្រៅពីស្រាបៀរអង្គរ ក្រុមហ៊ុន ខេមប្រ៊ូវ ក៏មានផលិតផលផ្សេងទៀតដូចជា៖ស្រាបៀរ ខ្លាំង (Klang) ស្រាបៀរខ្លាខ្មៅ (Black Panther) រួមទាំងប្រភេទស្រាបៀរ ប្រណីតលំដាប់អន្តរជាតិ មានដូចជា៖ ស្រាបៀរកាស៊្បែរ (Carlsberg ) ស្រាបៀរ Tuborg, ស្រាបៀរ Kronenberg 1664 និងស្រាបៀរ Somersby រួមទាំង ភាគីទី៣ មានដូចជា៖ ស្រាបៀរស្តោតទឹកខ្មៅលំដាប់លេខ១ នៅលើពិភពលោក Guinness និងស្រាបៀរ Asahi។
នាខែសីហា ឆ្នាំ២០១៨ ក្រុមហ៊ុនស្រាបៀរ Carlsberg Groupបានបង្កើនភាពជាម្ចាស់នៃភាគទុន បន្ថែមទៅក្នុងក្រុមហ៊ុនស្រាបៀរកម្ពុជា ខេមប្រ៊ូវ ហើយធ្វើការដឹកនាំគ្រប់គ្រងទូទៅនៃក្រុមហ៊ុនទាំងមូល៕
