- 2019-08-16 04:12:13
- ព័ត៌មាន
មកដឹងពីជីវប្រវត្តិសង្ខេបរបស់ឯកអគ្គរាជទូតជប៉ុនជិតបញ្ចប់អាណត្តិនៅកម្ពុជា
- 2019-08-16 04:12:13
- ចំនួនមតិ 0 | ចំនួនចែករំលែក 0
មកដឹងពីជីវប្រវត្តិសង្ខេបរបស់ឯកអគ្គរាជទូតជប៉ុនជិតបញ្ចប់អាណត្តិនៅកម្ពុជា
ចន្លោះមិនឃើញ
ឯកអគ្គរាជទូតជប៉ុនប្រចាំកម្ពុជាឯកឧត្តមហូរីណូអ៊ុជិ ហ៊ីដេហ៊ីសា នឹងត្រូវបញ្ចាប់ អាណត្តិរបស់ខ្លួននៅចុងខែសីហានេះបន្ទាប់ពីបានបម្រើការអស់រយៈពេលបីឆ្នាំនៅកម្ពុជា។
ឯកឧត្តមបានមកកម្ពុជាក្នុងនាមជាឯកអគ្គរាជទូតជប៉ុនវិសាមញ្ញ និងពេញសមត្ថភាពប្រចាំប្រទេសកម្ពុជាកាលពីខែតុលា ឆ្នាំ២០១៦ ហើយនឹងត្រូវបញ្ចប់អាណត្តិរបស់ខ្លួននៅចុងខែសីហានេះ ហើយឯកឧត្តមនឹងបន្តការងារជាឯកអគ្គរាជទូតវិសាមញ្ញ និងពេញសមត្ថភាពប្រចាំប្រទេសហូឡង់បន្តទៀត។
តើឯកឧត្តមហូរីណូអ៊ុជិ ហ៊ីដេហ៊ីសាមានប្រវត្តិសិក្សា និងការងារបែបណាខ្លះ?
ប្រភពពីស្ថានទូតជប៉ុនប្រចាំកម្ពុជាឲ្យដឹងថាឯកឧត្តមហូរីណូអ៊ុជិ ហ៊ីដេហ៊ីសា កើតនៅឆ្នាំ១៩៥៧ នៅប្រទេសជប៉ុន និងបានបញ្ចប់ការសិក្សានៅសាលលវិទ្យាល័យតូក្យូ ពីមហាវិទ្យាល័យច្បាប់កាលឆ្នាំ១៩៨០ រួចក៏បានចូលបម្រើការនៅក្រសួងការបរទេស។
ក្រោយមកទៀតនៅឆ្នាំ១៩៨១ដល់១៩៨៣ ឯកឧត្តមបានបន្តការសិក្សានៅសាកលវិទ្យាល័យណានជិងប្រទេសចិន សិក្សាផ្នែកអក្សរសាស្រ្តចិន និងនៅ១៩៨៣-១៩៨៤ ក៏បានបន្តការសិក្សានៅសាកលវិទ្យាល័យHarvard សហរដ្ឋអាម៉េរិក មុខវិជ្ជា Regional Study។
លុះមកដល់ឆ្នាំ១៩៩២ ដល់ឆ្នាំ១៩៩៥ ឯកឧត្តមក៏បានបម្រើការជា លេខាទី១នៃស្ថានទូតជប៉ុនប្រចាំនៅទីក្រុងប៉េកាំង និង១៩៩៦ដល់១៩៩៩ បានធ្វើទីប្រឹក្សានៃស្ថានទូតជប៉ុនប្រចាំនៅទីក្រុងវ៉ាស៊ីនតោនវិញម្ដង ហើយពីឆ្នាំ១៩៩៩ដល់២០០៤ក៏បានមកបម្រើការនៅក្រសួងការបរទេសជប៉ុនវិញ។
ជាថ្មីម្ដងទៀតពីឆ្នាំ២០០៤ ដល់២០០៧ឯកឧត្តមក៏ក្លាយជាមន្ត្រីជាន់ខ្ពស់ផ្នែកនយោបាយនៅស្ថានទូតជប៉ុនប្រចាំក្រុងប៉េកាំងមុននឹងក្លាយជាអគ្គនាយករងនៅក្រសួងការបរទេសជប៉ុន២០០៧ដល់២០១០។
បន្ទាប់ពីនេះឯកឧត្តមក៏បានវិលទៅទីក្រុងប៉េកាំងជាថ្មីក្នុងនាមជាអនុប្រធានស្ថានទូតជប៉ុនប្រចាំទីក្រុងប៉េកាំងពីឆ្នាំ២០១១ ដល់ឆ្នាំ២០១៤ និងបានត្រឡប់ទៅអាម៉េរិកជាថ្មីក្នុងនាមជាអគ្គកុងស៊ុល ប្រចាំនៅទីក្រុងLos Angeles ពីឆ្នាំ២០១៤ដល់២០១៦។
បន្ទាប់ពីចេញពីអាម៉េរិកឯកឧត្តមត្រូវបានតែងតាំងជាឯកអគ្គរាជទូតវិសាមញ្ញ និងពេញសមត្ថភាពប្រចាំប្រទេសកម្ពុជាពីឆ្នាំ២០១៦ដល់២០១៩ ហើយចេញពីកម្ពុជាឯកឧត្តមនឹងបន្តជាឯកអគ្គរាជទូតវិសាមញ្ញ និងពេញសមត្ថភាពប្រចាំប្រទេសហូឡង់។
សម្រាប់ផ្នែកសិក្សាធិការវិញពី២០០០ដល់២០០២ឯកឧត្តមជាសាស្រ្តាចារ្យផ្នែកច្បាប់អន្តរជាតិនៅសាលកលវិទ្យាល័យWaseda ប្រទេសជប៉ុន។
សម្រាប់គ្រឿងឥស្សរិយយសវិញពីឆ្នាំ២០១៧ដល់២០១៨ឯកឧត្តមបានទទួលគ្រឿងឥស្សរិយយស សហមេត្រី ចំនួន០៣លើកផងដែរ៕
