- 2019-08-20 06:33:31
- ព័ត៌មាន
ដូចព្រះជួយ! កំពុងខ្វះខាតថវិកាសម្រាប់ប្រឡងបាក់ឌុប អភិបាលខេត្តចុះជួយផ្ទាល់
- 2019-08-20 06:33:31
- ចំនួនមតិ 0 | ចំនួនចែករំលែក 0
ដូចព្រះជួយ! កំពុងខ្វះខាតថវិកាសម្រាប់ប្រឡងបាក់ឌុប អភិបាលខេត្តចុះជួយផ្ទាល់
ចន្លោះមិនឃើញ
អភិបាលខេត្តកំពង់ចាមបានចុះជួបផ្ទាល់ជាមួយនឹងសិស្សស្រីពីរនាក់ដែលថាមកប្រឡងបាក់ឌុបមិនមានថវិកាគ្រប់គ្រាន់ដើម្បីទិញអាហារបរិភោគពេលប្រឡង ខណៈម្ដាយកំពុងមានជំងឺផង។
ប្រភពពីរដ្ឋបាលខេត្តកំពង់ចាមឲ្យដឹងថាក្រោយពីទទួលព័ត៌មានថាសិស្សស្រីពីររូបឈ្មោះ វេត ស្រីអ៊ាង និងយ៉េត សុខខេង រស់នៅឯស្រុកស្ទឹងត្រង់បានមកប្រឡងនៅក្រុងកំពង់ចាមមិនមានថវិកាទិញបាយទទួលទាន និងចាយវាយពេលប្រឡង ឯកឧត្តម អភិបាលខេត្ត អ៊ុន ចាន់ដា បានចុះជួប និងផ្ដល់វិកា៨០ម៉ឺនរៀល។
ប្រភពឲ្យដឹងថាសិស្សដែលខ្វះខាតនេះមានម្ដាយកំពុងទទួលការវះកាត់នៅមន្ទីរពេទ្យទៀតផង។ ប្រភពពីរដ្ឋបាលខេត្តកំពង់ចាមសរសេរទៀតថា៖ «ឯកឧត្តម បានផ្តាំផ្ញើដល់សិស្សទាំងពីរនាក់ ត្រូវខិតខំប្រឡង ឲ្យបានជាប់ជាស្ថាពរក្នុងការប្រឡងនេះ។ ឯកឧត្តមក៏បានបញ្ជាក់បន្ថែមទៀតថាប្រសិនបើបេក្ខនារីទាំងពីរ មានបញ្ហារទុក្ខលំបាកសូមទំនាក់ទំនងមករូបឯកឧត្តមផ្ទាល់តែម្តង»៕
