- 2019-08-22 03:44:24
- ព័ត៌មាន
អ៊ីតាលីពិន័យស្ថាបត្យករជិត ១០ម៉ឺនដុល្លារ ក្រោយសង់ស្ពានខុសបច្ចេកទេស
- 2019-08-22 03:44:24
- ចំនួនមតិ 0 | ចំនួនចែករំលែក 0
អ៊ីតាលីពិន័យស្ថាបត្យករជិត ១០ម៉ឺនដុល្លារ ក្រោយសង់ស្ពានខុសបច្ចេកទេស
ចន្លោះមិនឃើញ
រដ្ឋាភិបាលនៃទីក្រុង Venice ប្រទេសអ៊ីតាលី បានធ្វើការផាកពិន័យស្ថាបត្យករជិត ១០ម៉ឺនដុល្លារក្រោយពេលដែលបង្កកំហុសបច្ចេកទេសសាងសង់ស្ពានមួយខ្សែ។
យោងតាមសារព័ត៌មានក្នុងតំបន់ឲ្យដឹងថា ស្ថាបត្យករជនជាតិអេស្ប៉ាញឈ្មោះ Santiago Calatrava ត្រូវបានផាកពិន័យជាង ៨៦ ០០០ដុល្លារក្រោយបង្កើតកំហុសពេលគូរប្លង់ស្ពានដែលឆ្លងកាត់ប្រឡាយ Grand Canal។ ការសម្រេចនេះ ត្រូវបានធ្វើឡើងកាលពីថ្ងៃទី ៩ខែឧសភាកន្លងទៅដោយតុលាការប្រទេសអ៊ីតាលី។ តុលាការបានសម្រេចចោទប្រកាន់ថា ស្ពានដែលស្ថាបត្យករខាងលើសាងសង់ មិនមានគុណភាពគ្រប់គ្រាន់សម្រាប់ដោះស្រាយភ្ញៀវទេសចរដ៏ច្រើនលើសលប់ក្នុងទីក្រុង Venice។ ដោយសារស្ពាននេះ ធ្វើឡើងដោយគ្រោងដែក និងក្រាលកញ្ចក់នៅផ្លូវដើរ អាជ្ញាធរអះអាងថាផ្នែកខ្លះនៃកញ្ចក់ស្ពាន បានប្រេះស្រាំរួចទៅហើយតម្រូវឲ្យផ្លាស់ប្ដូរថ្មី។
គួរឲ្យដឹងថា ស្ពានដែលមានបញ្ហាខាងលើឈ្មោះ The Constition ត្រូវបានដាក់ឲ្យប្រើប្រាស់កាលពីឆ្នាំ ២០០៨ ជាមួយប្រវែងជាង ៩០ម៉ែត្រ ហើយឈ្មោះរបស់វាត្រូវបានដាក់ជាកិត្តិយសនៃការគម្រប់ខួប ៦០ឆ្នាំនៃរដ្ឋធម្មនុញ្ញអ៊ីតាលី៕