/5d65f59a84818_1566963060_medium.jpg)
- 2019-08-28 04:10:17
- ព័ត៌មាន
ទៀតហើយ! ជប៉ុនប្រកាសអាសន្នបន្ទាន់ ក្រោយភ្លៀងធ្លាក់ខ្លាំងនៅភាគខាងត្បូងប្រទេស
- 2019-08-28 04:10:17
- ចំនួនមតិ 0 | ចំនួនចែករំលែក 0
ទៀតហើយ! ជប៉ុនប្រកាសអាសន្នបន្ទាន់ ក្រោយភ្លៀងធ្លាក់ខ្លាំងនៅភាគខាងត្បូងប្រទេស
ចន្លោះមិនឃើញ
ភ្នាក់ងារឧតុនិយមជប៉ុន បានចេញសេចក្ដីប្រកាសអាសន្នបន្ទាន់ឲ្យពលរដ្ឋរបស់ខ្លួនមានភាពប្រុងប្រយ័ត្នខ្ពស់នៅកោះ Kyushu ក្រោយពេលដែលមានភ្លៀងធ្លាក់ខ្លាំងលើសកម្រិតដែលអាចបង្កឲ្យមានការបាក់ដី, ទឹកជំនន់ និងគ្រោះធម្មជាតិផ្សេងៗកាលពីថ្ងៃពុធកន្លងទៅ។
យោងតាមប្រព័ន្ធផ្សព្វផ្សាយរដ្ឋជប៉ុន NHK ឲ្យដឹងថាប្រជាជនប្រមាណជាជាង ២៤០ ០០០នាក់ដែលរស់នៅក្នុងអាណាខេត្ត Fukuoka, Nagasaki និង Saga នៃកោះ Kyushu ត្រូវបានបញ្ជាឲ្យជម្លៀសខ្លួនចេញទៅកាន់ទីសុវត្ថិភាព។ ប្រភពដដែលឲ្យដឹងទៀតថា នៅផ្នែកជាច្រើននៃកោះនេះ បានទទួលរងភ្លៀងធ្លាក់ខ្លាំងមិនធ្លាប់មានក្នុងរយៈពេលប៉ុន្មានទសវត្សចុងក្រោយនេះ ដែលបណ្ដាលឲ្យមានការប្រកាសអាសន្នរហូតដល់កម្រិត ៥។ ខ្សែវីដេអូដែលចាក់ផ្សាយក្នុងទូរទស្សន៍ បានបង្ហាញពីទឹកជំនន់បណ្ដាលឲ្យលិចឡាន ខណៈដែលទឹកទន្លេមួយចំនួនឡើងផុតច្រាំង។
ជាមួយគ្នាដែរ របាយការណ៍បង្ហាញថាបុរសម្នាក់ បានស្លាប់ក្រោយពេលដែលឡានរបស់លោកហូរទៅតាមទឹកជំនន់ក្នុងអាណាខេត្ត Saga ខណៈដែលតំបន់ខ្លះទៀត ភ្លៀងធ្លាក់ក្នុងកម្រិតជាង ១០០មីលីម៉ែត្រក្នុងមួយម៉ោង៕
