- 2019-09-02 01:35:32
- ព័ត៌មាន
ក្រសួងជូនដំណឹងឲ្យប្រុងប្រយ័ត្នបាតុភូតទឹកជំនន់ រន្ទះ ភ្លៀង និងរលកសមុទ្រ
- 2019-09-02 01:35:32
- ចំនួនមតិ 0 | ចំនួនចែករំលែក 0
ក្រសួងជូនដំណឹងឲ្យប្រុងប្រយ័ត្នបាតុភូតទឹកជំនន់ រន្ទះ ភ្លៀង និងរលកសមុទ្រ
ចន្លោះមិនឃើញ
ក្រសួងធនធានទឹកឲ្យដឹងថាពីថ្ងៃទី៣ ដល់ថ្ងៃទី៩ ខែកញ្ញា នេះនៅតាមបណ្ដាខេត្ត ក្រុងនានានឹងអាចមានភ្លៀងធ្លាក់រាយប៉ាយពីមធ្យមទៅច្រើន ដោយហេតុថាកម្ពុជានៅទទួលរងជ្រងលងនៃប្រព័ន្ធសម្ពាធទាបដែលកំពុងអូសបន្លាយនៅថៃ ឡាវ និងវៀតណាម។
នៅថ្ងៃនេះក្រសួងធនធានទឹកបានជូនដំណឹងបន្ថែមថាចាប់ពីថ្ងៃទី៣ ដល់ទី៤ ខែកញ្ញា បណ្ដាខេត្តនៅភាគពាយ័ព្យ ខេត្តជាប់ជួរភ្នំដងរែក និងខ្ពង់រាបឦសានដែលមានព្រំប្រទល់ជាប់ប្រទេសវៀតណាម អាចនឹងមានភ្លៀងធ្លាក់ក្នុងកម្រិតពីមធ្យមទៅបង្គួរ។ ប៉ុន្តែពីថ្ងៃទី៤ដល់ទី៩ ខែកញ្ញា តំបន់ទាំងនេះបរិមាណទឹកភ្លៀងនឹងកាន់តែកើនឡើងពីបង្គួរទៅច្រើន។
សម្រាប់បណ្ដាខេត្តជាប់មាត់សមុទ្រវិញ ពិសេសកោះកុង និងខេត្តព្រះសីហនុ នឹងមានភ្លៀងធ្លាក់ច្រើនពីថ្ងៃទី៤ ដល់ទី៩ ជាពិសេសនៅថ្ងៃទី៤ដល់ទី៧ លើផ្ទៃសមុទ្រនឹងមានខ្យល់ និងរលកខ្លាំង។
ចំណែកបណ្ដាខេត្តនៅភាគខាងក្រោមវិញក្នុងរយៈពេលនេះ នឹងមានភ្លៀងធ្លាក់រាយប៉ាយពីកម្រិតតិចទៅបង្គួរ។ ក្រសួងក៏បានណែនាំឲ្យប្រជាពលរដ្ឋប្រុងប្រយ័ត្ននឹងបាតុភូតទឹកជំនន់ ភ្លៀង ខ្យល់ ផ្គរ រន្ទះ និងរលកសមុទ្រនេះឲ្យបានខ្ពស់៕
