រកឃើញ មនុស្សចាស់ជាងគេលើលោក នៅក្នុងប្រទេសមួយនៅអាស៊ាន!

2019-09-02 07:25:55
ព័ត៌មាន

2019-09-02 07:25:55
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកតាជនជាតិថៃ Orn Parnchompoo ត្រូវបានគេរកឃើញថាជាមនុស្សដែលមានអាយុវែងជាងគេនៅលើពិភពលោក។ លោកតាមានអាយុ ១២៨ឆ្នាំ ហើយកំពុងរស់នៅក្នុងភូមិ None Somboon ស្រុក Sitart ខេត្ត Udon Thani ភាគឦសានប្រទេសថៃ។ នេះបើតាមការចុះផ្សាយរបស់សារព័ត៌មាន Khao Sod។

លោកតា Orn និងភរិយា

កំណត់ត្រាផ្លូវការ បានបង្ហាញថា មនុស្សមានវ័យចំណាស់ជាងគេ ដែលនៅរស់រានមានជីវិត គឺលោកយាយជនជាតិជប៉ុន Kane Tanaka ដែលមានអាយុ ១១៦ឆ្នាំ ពោលគឺមានអាយុតិចជាងលោកតា Orn។

នៅលើអត្តសញ្ញាណប័ណ្ណរបស់លោកតា Orn បានបញ្ជាក់ថា លោកតាកើតនៅថ្ងៃទី៩ ខែមេសា ឆ្នាំ១៨៩១ អំឡុងរជ្ជកាលស្ដេច Rama V។ លោកតាកំពុងស្នាក់នៅជាមួយភរិយាឈ្មោះ Song Parnchompoo វ័យ៧០ឆ្នាំ រួមទាំងកូនៗ ៧នាក់ និងចៅ១១នាក់។

ជាការឆ្លើយតបនឹងសំណួររបស់សារព័ត៌មាន Khao Sod លោកតា Orn បានបង្ហើបឲ្យដឹងថា មានរូបមន្តចំនួន ២ដែលជួយឲ្យលោកតារស់នៅបានយូរជាងគេយ៉ាងដូច្នេះ។ ទី១ គឺការបរិភោគអាហារស្អាតមានអនាម័យ ហើយទី២ គឺជាការហាត់ប្រាណ។ ទោះជាមានវ័យច្រើនជាង១សតវត្ស លោកតា Orn នៅតែអាចកាន់អំបោសសម្អាតផ្ទះ និងឡើងជណ្ដើរជើងដោយគ្មានបញ្ហានោះទេ។

"មិត្តភ័ក្ដិទាំងអស់របស់ខ្ញុំសុទ្ធតែបានចែកឋានទៅ ហើយខ្ញុំនៅតែនឹកនាដល់ពួកគេ។ ប្រសិនជាអាច ខ្ញុំចង់រស់នៅដល់អាយុ២០០ឆ្នាំ"។ នេះជាការលើកឡើងរបស់លោក Orn៕