- 2019-09-03 02:29:56
- ព័ត៌មាន
មកស្គាល់ឈ្មោះព្យុះដែលបាននិងកំពុងធ្វើឲ្យកម្ពុជាធ្លាក់ភ្លៀង និងទឹកទន្លេហក់ឡើង
- 2019-09-03 02:29:56
- ចំនួនមតិ 0 | ចំនួនចែករំលែក 0
មកស្គាល់ឈ្មោះព្យុះដែលបាននិងកំពុងធ្វើឲ្យកម្ពុជាធ្លាក់ភ្លៀង និងទឹកទន្លេហក់ឡើង
ចន្លោះមិនឃើញ
គិតចាប់ពីចុងខែសីហា មកដល់ពេលនេះកម្ពុជាបានទទួលរងនូវឥទ្ធិពលព្យុះមួយចំនួនដែលបានធ្វើឲ្យមានភ្លៀងធ្លាក់ និងទឹកទន្លេមេគង្គហក់ឡើង។
គិតចាប់ពីថ្ងៃទី៣០ ខែសីហា រហូតមកដល់ថ្ងៃទី៣ ខែកញ្ញា នេះកម្ពុជាបានរងនូវឥទ្ធិពលព្យុះយ៉ាងហោចណាស់ចំនួនបី ដែលក្រសួងធនធានទឹកបានបញ្ជាក់ក្នុងសេចក្ដីជូនដំណឹងរបស់ខ្លួនទាក់ទងនឹងស្ថានភាពអាកាសធាតុ។
កាលពីថ្ងៃទី៣០ ខែសីហា ឆ្នាំ២០១៩ ក្រសួងបានឲ្យដឹងថាព្យុះឈ្មោះប៉ូឌុល(PODUL) បានធ្វើដំណើរចូលដល់ប្រទេសវៀតណាមភាគកណ្ដាល រួចបន្តដំណើរទៅកាន់ប្រទេសឡាវនៃអាងទន្លេមេគង្គ។ ឥទ្ធិពលព្យុះនេះក្រសួងថាកំពុងធ្វើឲ្យមានភ្លៀងខ្លាំងនៅប្រទសថៃ ឡាវ និងកម្ពុជា ដែលស្ថានភាពនេះធ្វើឲ្យទឹកទន្លេមេគង្គបន្តហក់ឡើងជិតដល់កម្រិតប្រុងប្រយ័ត្ន។
លុះដល់ថ្ងៃទី២ ខែកញ្ញា ឆ្នាំ២០១៩ ក្រសួងធនធានទឹកឲ្យដឹងទៀតថាព្យុះមួយទៀតមានឈ្មោះថា លីងលីង រួមជាមួយនឹងឥទ្ធិពលសម្ពាធទាបលាតសន្ធឹងលើប្រទេសថៃ ឡាវ និងវៀតណាម ធ្វើឲ្យមានភ្លៀងធ្លាក់ច្រើននៅអាងទន្លេមេគង្គ ក៏ដូចជានៅកម្ពុជា។ ស្ថានភាពនេះជាហេតុបណ្ដាលឲ្យទឹកទន្លេក្នុងទឹកដីកម្ពុជាហក់ឡើងជាបន្តបន្ទាប់ឆ្ពោះដល់កម្រិតដែលចាត់ទុកថាត្រូវមានការប្រុងប្រយ័ត្ន។
សម្រាប់ថ្ងៃទី៣ ខែកញ្ញា ឆ្នាំ២០១៩ នេះវិញ ក្រសួងធនធានទឹកជូនដំណឹងជាថ្មីទៀតពីវត្តមានព្យុះថ្មីមួយទៀតដែលបំបែកខ្លួនពីវិសម្ពាធទាប គឺមានឈ្មោះថាកាហ្សីគី ដែលកន្លងមកនៅក្នុងសមុទ្រចិនខាងត្បូងភ្ជាប់នឹងចុងនៃប្រព័ន្ធសម្ពាធទាបដែលបង្កើនឥទ្ធិពលបន្ថែមមកលើតំបន់ ក៏ដូចជាប្រទេសកម្ពុជា និងងាកទៅកាន់កោះហៃណាំ រួចបន្តដំណើរទៅកាន់ក្រុងហុងកុង៕