- 2019-09-03 04:37:45
- ព័ត៌មាន
បាតុភូតធម្មជាតិបីកំពុងបង្កឲ្យមានភ្លៀង ខ្យល់នៅកម្ពុជា
- 2019-09-03 04:37:45
- ចំនួនមតិ 0 | ចំនួនចែករំលែក 0
បាតុភូតធម្មជាតិបីកំពុងបង្កឲ្យមានភ្លៀង ខ្យល់នៅកម្ពុជា
ចន្លោះមិនឃើញ
ក្រសួងធនធានទឹកឲ្យដឹងថាកម្ពុជាកំពុងទទួលរងនូវឥទ្ធិពលបាតុភូតធម្មជាតិបីព្រមគ្នា ដែលបណ្ដាលឲ្យតំបន់ខ្លះនៅក្នុងប្រទេសកម្ពុជាមានភ្លៀងធ្លាក់ជាគំហុក និងក្លាយជាជំនន់ទឹកភ្លៀង និងតំបន់ជាប់មាត់សមុទ្រមានភ្លៀង ខ្យល់ និងរលកខ្ពស់ៗជាដើម។
មិនបានប៉ុន្មានម៉ោងក្រោយការជូនដំណឹងលើកទីមួយនៅថ្ងៃទី៣ ខែកញ្ញា ឆ្នាំ២០១៩ នេះ នៅវេលាម៉ោងជាង១១ព្រឹកក្រសួងធនធានទឹកបានជូនដំណឹងជាថ្មីទៀតពីបញ្ហាអាកាសធាតុ។
ក្រសួងធនធានទឹកឲ្យដឹងថាបច្ចុប្បន្នប្រទេសកម្ពុជាកំពុងទទួលរងនូវឥទ្ធិពលបាតុភូតធម្មជាតិចំនួនបីព្រមគ្នា។ បាតុភូតធម្មជាតិទាំងនោះរួមមានឥទ្ធិពលប្រព័ន្ធសម្ពាធទាបដែលបាន និងកំពុងលាតសន្ធឹង អូសបន្លាយកាត់ប្រទេសថៃ ឡាវ និងវៀតណាម។ ទីពីរគឺឥទ្ធិពលព្យុះកាហ្សីគី (Kajiki) និងទីបីគឺឥទ្ធិពលពីខ្យល់មូសុងនិរតីខ្លាំង។
បើតាមក្រសួងធនធានទឹក ស្ថានភាពនេះនឹងធ្វើឲ្យបណ្ដាខេត្តនៅភាគពាយ័ព្យ តំបន់ខ្ពង់រាបខាងជើង តំបន់ភ្នំដងរែក និងតំបន់ខ្ពង់រាបភាគឦសាននឹងបន្តមានភ្លៀងធ្លាក់ពីមធ្យមទៅច្រើន និងមានផ្នែកខ្លះអាចនឹងមានភ្លៀងធ្លាក់គំហុកខ្លាំង ដែលអាចបង្កជាជំនន់ទឹកភ្លៀង។
ចំណែកខេត្តជាប់តំបន់ឆ្នេរវិញ នឹងមានភ្លៀងធ្លាក់ពីកម្រិតបង្គួរទៅច្រើន ខណៈនៅលំហសមុទ្រផ្ទៃមេឃមានសភាពអាប់អួមានភ្លៀង ខ្យល់បក់បោកខ្លាំង និងរលកសមុទ្រមានកម្ពស់ខ្ពស់ៗ។
ដោយឡែករាជធានី ខេត្តដទៃទៀតអាចមានភ្លៀងធ្លាក់ពីតិចទៅមធ្យម។ ក្រសួងបានអំពាវនាវឲ្យប្រជាពលរដ្ឋប្រុងប្រយ័ត្នខ្ពស់ជៀសវាងនូវគ្រោះថ្នាក់ណាមួយកើតឡើងចំពោះស្ថានភាពនេះ៕