- 2019-09-04 07:11:38
- ព័ត៌មាន
មកខ្មែរមិនបានប៉ុន្មានថ្ងៃផង និស្សិតហុង ភារិន បានជួបសុទ្ធតែមន្ត្រីជាន់ខ្ពស់
- 2019-09-04 07:11:38
- ចំនួនមតិ 0 | ចំនួនចែករំលែក 0
មកខ្មែរមិនបានប៉ុន្មានថ្ងៃផង និស្សិតហុង ភារិន បានជួបសុទ្ធតែមន្ត្រីជាន់ខ្ពស់
ចន្លោះមិនឃើញ
និស្សិតខ្មែរដែលបានសិក្សានៅប្រទេសថៃ និងទទួលបានភាពល្បីល្បាញដោយសារការពូកែចងចាំ និងមានសមត្ថភាពគណនាកាលបរិច្ឆេទបានរហូតដល់៧០០ឆ្នាំនោះបានមកដល់ប្រទេសកម្ពុជាមិនប៉ុន្មានថ្ងៃផង បានជួបមន្ត្រីធំៗកម្ពុជាយ៉ាងហោចណាស់បីរូប។
លោក ហុង ភារិន បានមកដល់កម្ពុជាកាលពីថ្ងៃទី២ ខែកញ្ញា ឆ្នាំ២០១៩។ កាលពីម្សិលមិញទេសរដ្ឋមន្ត្រី រដ្ឋមន្ត្រីក្រសួងសាធារណការឯកឧត្តម ស៊ុន ចាន់ថុល បានជួបសំណេះសំណាលជាមួយនិស្សិតរូបនេះ។
ក្នុងជំនួបនោះឯកឧត្តម ស៊ុន ចាន់ថុល បានណែនាំថា៖ «ទោះបីជាស្ថិតនៅក្នុងកាលៈទេសៈណាក៏ដោយ ត្រូវយកចំណេះជំនាញដែលខ្លួនមានមកបម្រើប្រទេសជាតិវិញ»។ នេះបើតាមការផ្សាយនៅលើផេកក្រសួងកាលពីម្សិលមិញ។
សម្រាប់នៅថ្ងៃនេះវិញលោកជំទាវ ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយ រដ្ឋសភា-ព្រឹទ្ធសភា និងអធិការកិច្ច បានទទួលអនុញ្ញាតឲ្យនិស្សិតឆ្នើម ហុង ភារិន ចូលជួបនិងសម្ដែង ការគួរសម ដូចគ្នា។ ក្នុងជំនួបនោះលោកជំទាវបានប្រាប់ទៅនិស្សិតហុង ភារិន ថា៖ «ត្រូវពង្រឹងបន្ថែមទៀតនូវសមត្ថភាពផ្ទាល់ខ្លួន ដែលពាក់ព័ន្ធនឹងមុខជំនាញអភិវឌ្ឍជនបទ ដើម្បីចូលរួមចំណែកជាមួយរាជរដ្ឋាភិបាល ក្នុងការអភិវឌ្ឍន៍ប្រទេសជាតិ »។ នេះបើតាមការផ្សាយនៅលើទំព័រហ្វេសប៊ុករបស់លោកជំទាវ ម៉ែន សំអន។
ជាមួយគ្នានេះដែរក៏មានសេចក្ដីរាយការណ៍ដែរថានិស្សិតហុង ភារិន បានជួបជាមួយអភិបាលខេត្តព្រះសីហនុ ឯកឧត្តម គួច ចំរើន ផងដែរ។
ទាក់ទងនឹងលោក ហុង ភារិន នេះ ដែរកន្លងមកមានសារព័ត៌មានខ្លះចុះផ្សាយថាលោកត្រូវភាគីថៃផ្ដល់សញ្ជាតិឲ្យ តែការពិតគឺមិនមានករណីនេះនោះទេ។ នេះបើតាមការបញ្ជាក់របស់សមាគមនិស្សិតប្រចាំសាកលវិទ្យាល័យ Chaiyaphum Rajabhat ដែល លោក ហុង ភារិន បានសិក្សា ប្រាប់មកអ្នកសារព័ត៌មានSabay ៕