- 2019-09-10 02:39:02
- ព័ត៌មាន
ភ្ញាក់ផ្អើល! ការសិក្សាថ្មីបង្ហាញថា ព្រះចន្ទកំពុងរួញតូច និងមានការរញ្ជួយញឹកញាប់
- 2019-09-10 02:39:02
- ចំនួនមតិ 0 | ចំនួនចែករំលែក 0
ភ្ញាក់ផ្អើល! ការសិក្សាថ្មីបង្ហាញថា ព្រះចន្ទកំពុងរួញតូច និងមានការរញ្ជួយញឹកញាប់
ចន្លោះមិនឃើញ
ការសិក្សាថ្មីមួយធ្វើឡើងដោយណាសា ឲ្យដឹងថាព្រះចន្ទរបស់ផែនដីកំពុងរួញតូច និងកើតមានការរញ្ជួយព្រះចន្ទជាញឹកញាប់អស់រយៈពេលរាប់សិបឆ្នាំមកនេះ។
យោងតាមរូបភាពចាប់ដោយយានគន្លងព្រះចន្ទរបស់ណាសាបង្ហាញថា ផ្ទៃរបស់ព្រះចន្ទមានសភាពជ្រួញច្រើនកន្លែងដោយសារតែស្នូលរបស់វាចុះត្រជាក់ក្នុងរយៈពេលប៉ុន្មានរយលានឆ្នាំមកនេះ ដែលបណ្ដាលឲ្យមាឌរបស់រួមតូចជាងមុន។ លើសពីនេះទៀត សភាពជ្រួញទាំងនោះបណ្ដាលមកពីមានច្រាំងថ្មចោទជាច្រើនដែលបានកើតឡើងលើផ្ទៃព្រះចន្ទ ហើយយានរបស់ណាសាបានចាប់យករូបភាពជាង ៣ ៥០០សន្លឹកចាប់តាំងពីឆ្នាំ ២០០៩មក។ ដោយសារតែហេតុការណ៍នេះ ផ្ទៃរបស់ព្រះចន្ទមានភាពស្ដើងជាងមុន ៥០ម៉ែត្រ ក្រោយពេលដែលអ្នកស្រាវជ្រាវធ្វើការប្រៀបធៀបរូបភាពពីមុន និងឥឡូវ។
យ៉ាងណាមិញ ក្រុមអ្នកស្រាវជ្រាវឲ្យដឹងថា ពួកគេនឹងធ្វើការសិក្សាបន្ថែមទៀតពីសកម្មភាពនៃផ្ទៃក្នុងរបស់ព្រះចន្ទ និងបម្រែបម្រួលយ៉ាងសកម្មរបស់វា ខណៈដែលអ្នកវិទ្យាសាស្ត្រម្នាក់ ផ្ដល់យោបល់ថាគួរតែបញ្ជូនមនុស្សទៅឋានព្រះចន្ទម្ដងទៀត៕