- 2019-10-03 02:45:49
- ព័ត៌មាន
ដឹងការពិតហើយ! កូរ៉េខាងជើងសាកល្បងបាញ់មីស៊ីលពីនាវាមុជទឹក ក្រោយព្រមជួបអាមេរិក
- 2019-10-03 02:45:49
- ចំនួនមតិ 0 | ចំនួនចែករំលែក 0
ដឹងការពិតហើយ! កូរ៉េខាងជើងសាកល្បងបាញ់មីស៊ីលពីនាវាមុជទឹក ក្រោយព្រមជួបអាមេរិក
ចន្លោះមិនឃើញ
រដ្ឋាភិបាលប្រទេសកូរ៉េខាងជើង បានបញ្ជាក់ថាខ្លួនពិតជាធ្វើការសាកល្បងបាញ់មីស៊ីលផ្លោងប្រភេទថ្មីចេញពីនាវាមុជទឹកពិតប្រាកដមែន ក្រោយពេលដែលយកព្រមបើកកិច្ចពិភាក្សាម្ដងទៀតជាមួយអាមេរិក។
មីស៊ីលប្រភេទថ្មីនេះ ត្រូវបានបាញ់កាលពីថ្ងៃពុធកន្លងទៅដែលជាការសាកល្បងលើកទី ១១ក្នុងឆ្នាំនេះនៅសមុទ្រជប៉ុន។ ការបាញ់ត្រូវបានធ្វើឡើងរយៈពេលប៉ុន្មានម៉ោងប៉ុណ្ណោះក្រោយពេលដែលរដ្ឋាភិបាលក្រុងព្យុងយ៉ាង យល់ព្រមចូលតុចរចាជាថ្មីម្ដងទៀតជាមួយអាមេរិក។ ជាមួយគ្នាដែរ ភ្នាក់ងារសារព័ត៌មានកូរ៉េខាងជើង បានបង្ហោះរូបភាពទាំងស្រុងពីការបាញ់មីស៊ីលពីក្នុងនាវាមុជទឹកនៅឆ្នេរ Wonsan របស់ខ្លួន។ ការសាកល្បង បានទទួលជោគជ័យដោយមេដឹកនាំលោកគីម ជុងអ៊ុន បានផ្ញើសារអបអរសាទរយ៉ាងកក់ក្ដៅ ចំពោះក្រុមការងារនៃការបាញ់មីស៊ីល Pukguksong-3 នេះ។
យ៉ាងណាមិញ រដ្ឋាភិបាលក្រុងវ៉ាស៊ីនតោន និងតូក្យូ បានធ្វើការថ្កោលទោសយ៉ាងខ្លាំងចំពោះការបាញ់មីស៊ីលសាកល្បងនេះ ហើយថាតើកិច្ចចរចាអាចនឹងធ្វើឡើងបន្ដទៀត ឬយ៉ាងណានេះ នៅមិនទាន់ត្រូវបានគេដឹងនៅឡើយទេ៕