- 2019-10-16 02:24:42
- ព័ត៌មាន
មកដឹងកាលបរិច្ឆេទកម្ពុជាចូលជាសមាជិកអង្គការអន្តរជាតិសំខាន់ៗបី
- 2019-10-16 02:24:42
- ចំនួនមតិ 0 | ចំនួនចែករំលែក 0
មកដឹងកាលបរិច្ឆេទកម្ពុជាចូលជាសមាជិកអង្គការអន្តរជាតិសំខាន់ៗបី
ចន្លោះមិនឃើញ
កម្ពុជាបានចូលជាសមាជិកអង្គការតំបន់ និងអង្គការអន្តរជាតិនានាជាច្រើនបន្ទាប់ពីទទួលបានឯករាជ្យពីបារាំងកាលពីឆ្នាំ១៩៥៣។ ខាងក្រោមនេះជាអង្គការអន្តរជាតិចំនួនបីក្នុងចំណោមអង្គការអន្តរជាតិផ្សេងទៀតដែលកម្ពុជាបានចូលជាសមាជិកគិតពីឆ្នាំ១៩៥៣មក។
អង្គការសហប្រជាជាតិ៖ អង្គការសហប្រជាជាតិបង្កើតឡើងដំបូងនៅឆ្នាំ១៩៤៥ ក្រោយសង្គ្រាមលោកលើកទីពីរបានបញ្ចប់ ដោយមានប្រទេសដំបូងចំនួន៥១បានរួមគ្នាបង្កើតឡើង។ កម្ពុជាបានចូលជាសមាជិកអង្គការនេះនៅថ្ងៃទិ១៤ ខែធ្នូ ឆ្នាំ១៩៥៥។ បច្ចុប្បន្នអង្គការសហប្រជាជាតិមានសមាជិកស្រុបចំនួន១៩៣ប្រទេស។
អង្គការពាណិជ្ជកម្មអន្តរជាតិ៖ អង្គការពាណិជ្ជកម្មអន្តរជាតិបង្កើតឡើងដំបូងនៅឆ្នាំ១៩៩៥ គិតមកត្រឹមឆ្នាំ២០១៦អង្គការមួយនេះមានសមាជិកចំនួន១៦៤ប្រទេស ហើយកម្ពុជាបានចូលជាសមាជិកអង្គការនេះនៅថ្ងៃទី១៣ ខែតុលា ឆ្នាំ២០០៤។
សមាគមប្រជាជាតិអាស៊ីអាគ្នេយ៍៖ សមាគមប្រជាជាតិអាស៊ីអាគ្នេយ៍ហៅកាត់ថាអាស៊ានបង្កើតឡើងដំបូងនៅឆ្នាំ១៩៦៧ដោយប្រទេសចំនួនប្រាំគឺថៃ ម៉ាឡេស៊ី ឥណ្ឌូនេស៊ី ហ្វីលីពីន និងសិង្ហបុរី។ បច្ចុប្បន្នសមាជិកអាស៊ានមាន១០ប្រទេស ហើយកម្ពុជាបានចូលជាសមាជិកនៅថ្ងៃទី៣០ ខែមេសា ឆ្នាំ១៩៩៩៕
