- 2019-10-16 03:50:36
- ព័ត៌មាន
អាម៉េរិកធ្លាប់ខ្មាសសហភាពសូវៀតរឿងបង្ហោះយានអាវកាស
- 2019-10-16 03:50:36
- ចំនួនមតិ 0 | ចំនួនចែករំលែក 0
អាម៉េរិកធ្លាប់ខ្មាសសហភាពសូវៀតរឿងបង្ហោះយានអាវកាស
ចន្លោះមិនឃើញ
សហរដ្ឋអាម៉េរិកធ្លាប់បរាជ័យក្នុងការបង្ហោះយានរបស់ខ្លួនទៅទីអាវកាសក្រោយពីឃើញសហភាពសូវៀតបង្ហោះយានចំនួនពីរបានជោគជ័យ ហើយការបរាជ័យនេះត្រូវបានមហាជនរិះគន់យ៉ាងខ្លាំង។
សហភាពសូវៀតបានចាប់ផ្ដើមប្រណាំងប្រជែងផ្នែកអាវកាសនៅពេលដែលខ្លួនបានបង្ហោះយានSputnik 1 របស់ខ្លួននៅថ្ងៃទី៤ ខែតុលា ឆ្នាំ១៩៥៧ និង៣០ថ្ងៃក្រោយមកសហភាពសូវៀតក៏បានបង្ហោះយានSputnik 2 របស់ខ្លួនទៀត ដោយលើកទី២នេះបានដាក់សុនខមួយក្បាលឈ្មោះLaika ទៅជាមួយផង។
ក្រោយឃើញសហភាពសូវៀតបង្ហោះយានទៅទីអាវកាសបានដល់ទៅពីរដងដូចនេះ អាម៉េរិកដែលចាត់ទុកខ្លួនឯងជាអ្នកខ្លាំងជាងគេលើលោកខាងបច្ចេកវិទ្យានោះក៏បានសម្រេចចិត្តបង្ហោះយានរបស់ខ្លួនមួយដែរ។
ការបង្ហោះយាននោះធ្វើឡើងនៅថ្ងៃទី៦ ខែធ្នូ ឆ្នាំ១៩៥៧ ដោយយានមានឈ្មោះថា Vanguard 1A ។ អ្នកសារព័ត៌មានជាង១០០នាក់ មានទាំងខាងទូរទស្សន៍ផងបានរង់ចាំរាយការណ៍ពីព្រឹត្តិការណ៍នេះ។ Vanguard 1A ពេលនោះហោះមិនទាន់បានមួយម៉ែត្រពីដីផងក៏អស់ថាមពល និងបានផ្ទុះខូច ហើយហេតុការណ៍នេះក៏ត្រូវបានផ្សាយផ្ទាល់តាមទូរទស្សន៍ផង។
ក្រុមអ្នកសារព័ត៌មាន និងមហាជនបានរិះគន់លើកម្មវិធីអាវកាសរបស់អាម៉េរិកនេះយ៉ាងខ្លាំងនៅពេលនោះ។ ស្របពេលនោះដែរសហភាពសូវៀតក៏បានស្នើជួយផ្នែកបច្ចេកទេសដល់អាម៉េរិកសម្រាប់អភិវឌ្ឍវិស័យអាវកាសនេះតែអាម៉េរិកបានទាល់ចោលសំណើនោះ៕
