- 2019-10-22 06:35:20
- ព័ត៌មាន
មកស្គាល់ បច្ចេកវិទ្យាមួយជួយឲ្យវិស័យកសិកម្មនៅអាហ្វ្រិក រីកចម្រើនឥតឈប់ឈរ
- 2019-10-22 06:35:20
- ចំនួនមតិ 0 | ចំនួនចែករំលែក 0
មកស្គាល់ បច្ចេកវិទ្យាមួយជួយឲ្យវិស័យកសិកម្មនៅអាហ្វ្រិក រីកចម្រើនឥតឈប់ឈរ
ចន្លោះមិនឃើញ
ប្រជាជនជាងពាក់កណ្ដាលនៅអាហ្វ្រិក ប្រកបរបរកសិកម្ម ដែលប្រទះបញ្ហាជាច្រើនដូចជាហេដ្ឋារចនាសម្ព័ន្ធ, ឧបករណ៍មិនគ្រប់គ្រាន់ និងកង្វះខាតវិនិយោគទុន បណ្ដាលឲ្យមានផលវិបាកសម្រាប់ការផ្គត់ផ្គង់តម្រូវការកំណើនប្រជាជន។
ប៉ុន្តែឥឡូវនេះ បច្ចេកវិទ្យាកំពុងដើរតួយ៉ាងសំខាន់ដើម្បីដោះស្រាយបញ្ហា និងជួយជីវភាពកសិករ។ ជាក់ស្ដែងក្នុងប្រទេសហ្កាណា ក្រុមហ៊ុន Acquahmeyer បានដាក់ជួលនូវយន្ដហោះដ្រូនដើម្បីឲ្យកសិករប្រើប្រាស់ពិនិត្យមើលដំណាំ និងបាញ់ថ្នាំសម្លាប់សត្វល្អិតនៅកន្លែងណាដែលចាំបាច់ ហើយកាត់បន្ថយការបំពុល និងគ្រោះថ្នាក់ដល់សុខភាព។ ជាមួយនឹងយន្ដហោះដ្រូន កសិករអាចកំណត់សត្វល្អិត និងជំងឺនៅលើដំណាំបានយ៉ាងច្បាស់លាស់ និងបាញ់ថ្នាំលើតែដំណាំណាដែលចាំបាច់ប៉ុណ្ណោះ។ ការធ្វើដូច្នេះ បានរួមចំណែកកាត់បន្ថយការប្រើប្រាស់ថ្នាំសម្លាប់សត្វល្អិតប្រមាណជា ៥០ភាគរយ ហើយស្របទៅតាមស្ដង់ដារនៃការកំណត់របស់សហភាពអ៊ឺរ៉ុប។
មុនពេលប្រើប្រាស់បច្ចេកវិទ្យានេះ ដំណាំភាគច្រើនរបស់អាហ្វ្រិកពិបាកក្នុងការនាំចូលទៅកាន់តំបន់អ៊ឺរ៉បដោយសារការប្រើប្រាស់ថ្នាំសម្លាប់សត្វល្អិតច្រើនលើសលប់ ដែលបណ្ដាលឲ្យប៉ះពាល់ធ្ងន់ធ្ងរដល់សុខភាពអ្នកប្រើប្រាស់។ ឥឡូវនេះក្រុមហ៊ុន Acquahmeyer កំពុងធ្វើការជាមួយកសិករជាង ៨ពាន់នាក់ ហើយពួកគេបង់ថ្លៃជួលពី ៥ ទៅដុល្លារ ១០ប៉ុណ្ណោះក្នុងទំហំដីជិត ៥ ០០០ម៉ែត្រការ៉េ។
គួរបញ្ជាក់ថា ក្រុមហ៊ុនខាងលើ ត្រូវបានបង្កើតឡើងកាលពីខែមិថុនាឆ្នាំ ២០១៨ កន្លងទៅជាមួយយន្ដហោះដ្រូនត្រឹម ២គ្រឿងប៉ុណ្ណោះ តែឥឡូវកើនឡើងដល់ ១០គ្រឿង និងរកចំណូលបានពី ១៥ ០០០ ទៅ ៣០ ០០០ដុល្លារក្នុងមួយគ្រឿងៗ។ ជាមួយនឹងផ្ទៃដីកសិកម្មជាង ១៥លានហិចតាក្នុងប្រទេសហ្គាណា តម្រូវការប្រើប្រាស់យន្ដហោះដ្រូន ត្រូវបានគេសម្លឹងឃើញថាអាចនឹងកើនឡើងថែមទៀត៕
