វីដេអូមិនអាចបំភ្លេចបាននៃមាតារបាំព្រះរាជទ្រព្យមុនឃ្លាតចាកពីលោកនេះ

2019-11-18 07:55:23
ព័ត៌មាន

2019-11-18 07:55:23
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្តេចរាជបុត្រី ព្រះរៀម នរោត្តម បុប្ផាទេវី មានព្រះគោរមងារជា «ទេពនាថវដ្តីឯក» គឺជាព្រះនិមិត្តរូប នៃរបាំព្រះរាជទ្រព្យខ្មែរ និងជា «មរតកមនុស្សរស់របស់កម្ពុជា» ដោយទ្រង់ជាព្រះអង្គម្ចាស់ក្សត្រីមួយអង្គដែលបានចំណាយពេលវេលាពេញមួយជីវិតលើរបាំព្រះរាជទ្រព្យនៃប្រទេសកម្ពុជា។

ការសម្ដែងរបស់ទ្រង់តាំងពីអតីតកាល មកទល់បច្ចុប្បន្ន បញ្រ្ជាបដល់ប្រជាជនខ្មែរបានស្គាល់អត្តសញ្ញាណនៃ របាំព្រះរាជទ្រព្យ និងតែងតែនឹកឃើញជានិច្ចដល់ព្រះនាមរបស់ទ្រង់ ដែលជាអ្នកសម្តែងរបាំដ៏ប៉ិនប្រសប់នេះ រួមជាមួយសម្រស់ដ៏ស្រស់សោភា។ ទោះបីជាព្រះអង្គ មានព្រះជន្ម ៧៦ព្រះវស្សា និងឈប់សម្តែងក្តី ក៏ទ្រង់នៅតែបន្តរៀបចំក្រុមសម្តែងរបាំព្រះរាជទ្រព្យ ដើម្បីផ្សព្វផ្សាយឲ្យយុវជនជំនាន់ក្រោយបានដឹង និងជាពិសេសផ្សព្វផ្សាយនៅលើឆាកអន្តរជាតិ។

ចាប់ពីថ្ងៃនេះតទៅ ប្រជាជនខ្មែរទូទាំងប្រទេសនឹងលែងបានជួបព្រះភក្ត្រព្រះអង្គម្ចាស់ក្សត្រីផ្ទាល់ទៀតហើយ ពោលគឺនៅសល់កម្រងព្រះហស្ថដែលមិនអាចបំភ្លេចសម្រាប់កូនចៅជំនាន់ក្រោយចូលរួមថែរក្សាសម្បត្តិមរកតរបស់ប្រទេសឲ្យស្ថិតស្ថេរជំនួសព្រះអង្គជាដរាប។