មកស្គាល់ បុរីរដ្ឋតែ ៣ ប៉ុណ្ណោះ នៅក្នុងពិភពលោកសព្វថ្ងៃ

2019-11-26 02:22:13
ព័ត៌មាន

2019-11-26 02:22:13
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរីរដ្ឋ (City-State) ជាតំបន់ ឬ ទីក្រុងមួយដែលអធិបតេយ្យភាព និងឯករាជ្យភាពក្នុងការគ្រប់គ្រងប្រជាជនរបស់ខ្លួន ដោយច្បាប់របស់ខ្លួន និងមិនមានការជ្រៀតជ្រែកពីរដ្ឋាភិបាលណាមួយឡើយ។ អធិបតេយ្យភាព និងឯករាជ្យភាពខុសពី ស្វ័យភាព ដោយតំបន់ស្វយ័ត ស្ថិតនៅក្រោមបំណែងចែកនៃរដ្ឋាភិបាលកណ្ដាល។

បុរីក្សត្រម៉ូណាកូ

បុរីរដ្ឋនៅពេលបច្ចុប្បន្ននេះ មានតែ ៣ ប៉ុណ្ណោះនៅក្នុងពិភពលោកយើងសព្វថ្ងៃនេះ។ បុរីរដ្ឋទាំង ៣នោះមានដូចជា៖

បុរីក្សត្រម៉ូណាកូ៖ មានទំហំប្រមាណ ២.០២គីឡូម៉ែត្រក្រឡា និងមានប្រជាជនសរុបជាង ៤ម៉ឺននាក់ ម៉ូណាកូមានទីតាំងក្បែរឆ្នេរសមុទ្រមេឌីទែរ៉ាណេប្រទេសបារាំង។ បុរីនេះមានប្រព័ន្ធនយោបាយបែបផែន រាជានិយមអាស្រ័យរដ្ឋធម្មនុញ្ញ។ ចំណែកឯសេដ្ឋកិច្ចវិញ ពឹងផ្អែកលើវិស័យទេសចរណ៍។
សិង្ហបុរី៖ ជាទីក្រុងកោះនៅតំបន់អាស៊ីអាគ្នេយ៍ សិង្ហបុរីមានទំហំប្រមាណ ៧២១.៥គីឡូម៉ែត្រក្រឡា និងមានប្រជាជនជាង ៥លាននាក់។ ប្រទេសនេះប្រកាន់យកលទ្ធិប្រជាធិបតេយ្យ។ សេដ្ឋកិច្ចសិង្ហបុរី ពឹងផ្អែកលើពាណិជ្ជកម្ម។
បុរីវ៉ាទីកង់៖ មានទំហំតូចជាង ១គីឡូម៉ែត្រក្រឡា និងប្រជាជនអចិន្ត្រៃយ៍តែជាង ១ពាន់នាក់ បុរីវ៉ាទីកង់ជារដ្ឋឯករាជ្យតូចបំផុតនៅលើពិភពលោក។ ប្រព័ន្ធនយោបាយនៅប្រទេសនេះ គ្រប់គ្រងដោយ ព្រះវិហារកាតូលិក ដោយសម្ដេចប៉ាបកាន់ទាំងអំណាចនីតិប្បញ្ញត្តិ ប្រតិបត្តិ និងតុលាការ។ សេដ្ឋកិច្ចវ៉ាទីកង់ ពឹងផ្អែកលើវិស័យទេសចរណ៍៕

ប្រភព៖ thoughtco ប្រែសម្រួល៖ ហ៊ីម រស្មី