- 2019-11-29 03:10:00
- ព័ត៌មាន
សុំបែកគ្នា ខាងស្រីបាញ់ថ្នាំខ្ទេចឡានថាបង្ហិន៧ឆ្នាំរបស់នាង ខាងប្រុសបកវិញធ្វើឲ្យគេអាណិត
- 2019-11-29 03:10:00
- ចំនួនមតិ 0 | ចំនួនចែករំលែក 0
សុំបែកគ្នា ខាងស្រីបាញ់ថ្នាំខ្ទេចឡានថាបង្ហិន៧ឆ្នាំរបស់នាង ខាងប្រុសបកវិញធ្វើឲ្យគេអាណិត
ចន្លោះមិនឃើញ
អក្សរដែលត្រូវបានបាញ់ដោយថ្នាំក្រហមលើឡាន បានធ្វើឲ្យបុរសជាសង្សាររងការរិះគន់យ៉ាងខ្លាំង ប៉ុន្តែនៅពេលលោកចេញមុខបកស្រាយ ទើបគេយល់ពីផលពិបាករបស់លោក។
មុននេះបន្តិច បុរសមកពីប្រទេសចិន បានល្បីកក្រើកលើបណ្ដាញសង្គម នៅពេលលោកត្រូវមិត្តស្រីកាត់ការចោលយ៉ាងសាហាវ។ ជាក់ស្ដែង មុននេះប៉ុន្មានថ្ងៃ អ្នកនៅខេត្ត Zhejiang ប្រទេសចិនបានភ្ញាក់ផ្អើលជាខ្លាំងនៅពេលឡានសមួយត្រូវបានបាញ់ថ្នាំក្រហមពេញ ដោយមានអត្ថន័យថា៖ “មនុស្សដែលខ្ញុំស្រលាញ់បំផុត ខ្ញុំទៅហើយ និងមួយទៀតគឺ ៧ឆ្នាំនៃភាពអស់សង្ឃឹម ខ្ញុំទៅហើយ”។
ភ្លាមៗនោះ រូបភាពរថយន្តនេះត្រូវបានបង្ហោះលើបណ្ដាញសង្គម និងចែករំលែកយ៉ាងឆាប់រហ័ស។ មនុស្សជាច្រើន មិនទាន់ដឹងលិចកើត ក៏បានបញ្ចេញមតិថា បុរសខាងលើប្រាកដជាធ្វើបាបចិត្តសង្សារខ្លាំងណាស់ហើយ ទើបនាងធ្វើដល់ថ្នាក់នេះ។ នាងធ្វើនេះគឺដើម្បីសងសឹករយៈពេល៧ឆ្នាំ ដែលនាងបានចំណាយនៅក្បែរបុរសនេះ។
មិនយូរប៉ុន្មាន ម្ចាស់ឡានក៏ដឹងថាខ្លួនកំពុងក្លាយជាប្រធានបទក្ដៅគគុកលើអ៊ីនធឺណិត ទើបចេញមុខបកស្រាយ កុំឲ្យយល់ច្រឡំ។ បុរសជាសង្សារបានឲ្យដឹងថា នាងពិតជាមិត្តស្រីដែលស្រលាញ់គ្នា៧ឆ្នាំ ហើយបាញ់ថ្នាំលើឡានលោកពិតមែន។ លោកបានបន្តថា៖ “អ្នកណាក៏ថាខ្ញុំបង្ហិនពេល៧ឆ្នាំរបស់នាងឥតប្រយោជន៍។ ចុះចំពោះខ្ញុំវិញ ពេលវេលាទាំងនោះ មិនមានតម្លៃទេឬ?”
លោកបន្តទាំងក្រៀមក្រំថា ស្រលាញ់បានដល់៧ឆ្នាំ លោកក៏បានគិតដល់មង្គលការរួចហើយដែរ ក៏ប៉ុន្តែលោកមិនទាន់សន្សំលុយគ្រប់គ្រាន់ដើម្បីបង់លុយបណ្ណការដែលខាងស្រីសុំ ទើបមានតែវិធីចែកផ្លូវគ្នា។ ចុងក្រោយលោកបន្ទោសខ្លួនឯងថា៖ “មនុស្សតែមួយគត់ដែលខ្ញុំអាចបន្ទោសបាននោះគឺខ្លួនឯង ព្រោះគ្មានលុយគ្រប់គ្រាន់ដើម្បីចូលស្ដីនាង”។
ក្រោយការចែករំលែកនេះ មានមនុស្សជាច្រើនបានចូលលួងលោក ដោយដកពាក្យរិះគន់មុននោះវិញ៕