- 2019-12-02 04:56:48
- ព័ត៌មាន
យុវជនបួននាក់ស្លាប់ដោយសារពុលត្រសក់ផ្អរ និងត្រសក់ស្រូវនៅបន្ទាយមានជ័យ
- 2019-12-02 04:56:48
- ចំនួនមតិ 0 | ចំនួនចែករំលែក 0
យុវជនបួននាក់ស្លាប់ដោយសារពុលត្រសក់ផ្អរ និងត្រសក់ស្រូវនៅបន្ទាយមានជ័យ
ចន្លោះមិនឃើញ
ឯកឧត្តម ខៀវ កាញារិទ្ធ រដ្ឋមន្ត្រីក្រសួងព័ត៌មានបានបង្ហោះព័ត៌មានលើបណ្ដាញសង្គមរបស់ឯកឧត្តមនាព្រឹកនេះថា យុវជនបន្សាបគ្រឿងញៀននៅមណ្ឌលជីវិតថ្មីភ្នំបាក់ស្ថិតនៅភូមិភ្នំបាក់សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ បានពុលត្រសក់ផ្អរនិងត្រសក់ស្រូវដែលមានថ្នាំសម្លាប់សត្វល្អិត និងអាហារកើនដល់២១១នាក់ ក្នុងនោះស្លាប់៤នាក់ ។
បើតាមព័ត៌មានដដែលឧបទ្ទហេតុនេះបានចាប់ផ្ដើមពីព្រឹកដល់យប់ថ្ងៃទី១ខែ ធ្នូ ឆ្នាំ២០១៩ ឈានដល់២ធ្នូ២០១៩។ ប្រភពបញ្ជាក់ថា៖ «លោកឧត្ដមសេនីយទោ អាត់ ខែម ប្រើបា្រស់កម្លាំងនគរបាលនៃស្នងការនគរបាលខេត្ត បានប្រើមធ្យោបាយ រថយន្ដសង្គ្រោះនិងរថយន្ដអតន្តរាគមន៍ ដឹក អ្នកជម្ងឺទៅសង្គ្រោះបានទានពេលវេលា។ ឯកឧត្ដម អ៊ុំ រាត្រី អភិបាលខេត្តបន្ទាយមានជ័យនិងមន្ត្រីពាក់ព័ន្ធបានចុះពិនិត្យនិងនៅប្រចាំដោះស្រាយបញ្ហានេះ ហើយមានប្រសាសន៍ស្ថានភាពជនរងគ្រោះពុលចំណីអាហារនេះអាចគ្រប់គ្រងបានហើយ»៕