- 2019-12-28 10:58:28
- សេដ្ឋកិច្ច
ធ្លាប់តែស្ងប់ស្ងាត់ ភូមិមួយនៅសង្កាត់ក្រាំងធ្នង់ ប្រែមុខមាត់ថ្មី ដោយសារមានការសាងសង់បុរី
- 2019-12-28 10:58:28
- ចំនួនមតិ 0 | ចំនួនចែករំលែក 0
ធ្លាប់តែស្ងប់ស្ងាត់ ភូមិមួយនៅសង្កាត់ក្រាំងធ្នង់ ប្រែមុខមាត់ថ្មី ដោយសារមានការសាងសង់បុរី
ចន្លោះមិនឃើញ
អ្នកភូមិសំរោងទាវ ស្ថិតនៅក្នុងសង្កាត់ក្រាំងធ្នង់ មានចិត្តសប្បាយរីករាយ និងត្រេកអរជាខ្លាំងនៅពេលមានវត្តមានបុរីនានា ទៅអភិវឌ្ឍន៍នៅក្នុងតំបន់របស់ខ្លួន ធ្វើឲ្យប្រែក្លាយជាតំបន់អ៊ូអរ មានផ្លូវស្អាត រួមទាំងសុខសុវត្ថិភាពផងដែរ។
លោក ស៊ុំ សឿង ប្រជាការពារភូមិនៅតំបន់ខាងលើនេះបានឲ្យដឹងក្រោយបុរីភ្នំពេញថ្មី សម្ពោធគម្រោង អេលីតផាក ទី២ ព្រឹកមិញនេះថា លោកសប្បាយចិត្តនៅពេលឃើញតំបន់ភូមិសំរោងទាវ សង្កាត់ក្រាំងធ្នង់ មានការរីកចម្រើនយ៉ាងឆាប់រហ័សបែបនេះ។ កន្លងទៅទីនោះគឺសុទ្ធតែព្រៃ និងមានផ្លូវតូច ហើយជាផ្លូវខ្សាច់ប៉ុណ្ណោះ ពិបាកធ្វើដំណើរ និងមិនសូវមានគេរស់នៅឡើយ ប៉ុន្តែឥលូវនេះគឺអភិវឌ្ឍន៍លឿនតែម្ដង។
ការអភិវឌ្ឍន៍លឿនបែបនេះ គឺដោយសារតែខាងបុរីភ្នំពេញថ្មីមកកាន់ទីនេះតែម្ដង ពោលគេធ្វើផ្លូវបេតុងល្អស្អាត ដាក់លូ មានដាំដើមឈើ មានភ្លើងបំភ្លឺ ងាយស្រួលប្រជាជនរស់នៅ ឬធ្វើដំណើរ ក្លាយជាទីអ៊ូអរភ្លាមៗ ម្នាក់ៗនិងចង់រស់នៅ។ ជាពិសេសគម្រោងថ្មីបុរីនេះបន្តិចទៀតនឹងមានគេមករស់នៅទីនោះកាន់តែច្រើនបន្ថែមទៀត។
ពលរដ្ឋវ័យ ៤៥ឆ្នាំ ខាងលើនេះក៏អរគុណដល់ខាងបុរីដែលបានមកអភិវឌ្ឍន៍តំបន់របស់ខ្លួន និងបានធ្វើឲ្យតំបន់នេះមានរីកចម្រើន និងធ្វើឲ្យប្រជាជនមានជីវភាពធូរធារ លក់ដីបានថ្លៃផងដែរ៕