- 2019-12-30 02:21:37
- ព័ត៌មាន
ញាក់សាច់! រកឃើញទូកខ្មោចផ្ទុកសាកសពមនុស្ស ៧នាក់ អណ្ដែតមកលើឆ្នេរជប៉ុន
- 2019-12-30 02:21:37
- ចំនួនមតិ 0 | ចំនួនចែករំលែក 0
ញាក់សាច់! រកឃើញទូកខ្មោចផ្ទុកសាកសពមនុស្ស ៧នាក់ អណ្ដែតមកលើឆ្នេរជប៉ុន
ចន្លោះមិនឃើញ
សាកសពមនុស្សចំនួន ៧នាក់ ត្រូវបានគេរកឃើញនៅក្នុងទូកឈើមួយដែលរសាត់អណ្ដែតមកលើឆ្នេរនៃកោះ Sado ប្រទេសជប៉ុនកាលពីថ្ងៃសុក្រសប្ដាហ៍មុន។
យោងតាមសារព័ត៌មានរដ្ឋជប៉ុន NHK ឲ្យដឹងថា ទូកនេះមានប្រវែង ៧,៦ម៉ែត្រ ទទឹង ៤,៣ម៉ែត្រ និងកម្ពស់ ២ម៉ែត្រ ហើយត្រូវបានប្រទះឃើញដោយប៉ូលិសម្នាក់។ ក្រោយការត្រួតពិនិត្យ និងឆែកឆេរយ៉ាងហ្មត់ចត់ពីភ្នាក់ងារអនុវត្ដច្បាប់ សហការជាមួយឆ្មាំសមុទ្រ ពួកគេបានរកឃើញសាកសពមនុស្ស ៧នាក់ដោយក្នុងនោះពីរនាក់ត្រូវបានកាត់ក្បាលផងដែរ។ ជាជំហានបឋម គេជឿថាទូកខ្មោចនេះអណ្ដែតមកពីប្រទេសកូរ៉េខាងជើង ដោយសារមានសរសេរអក្សរនិងលេខកូរ៉េនៅចំហៀងទូក។
យ៉ាងណាមិញ អាជ្ញាធរអះអាងថានេះមិនមានរឿងអ្វីថ្មីនោះទេ ដោយសារតែទូកខ្មោចជាច្រើនគ្រឿង បានរសាត់អណ្ដែតមកលើឆ្នេរនៃកោះជប៉ុន ដែលបណ្ដាលមកពីអាកាសធាតុអាក្រក់នៅសមុទ្រជប៉ុន ខណៈដែលទូកទាំងនោះមិនមានបំពាក់ឧបករណ៍គ្រប់គ្រាន់ក្នុងការធ្វើដំណើរឆ្លងកាត់សមុទ្រធំល្វឹងល្វើយ៕
