- 2020-01-28 03:55:16
- ព័ត៌មាន
ចិនបន្ថែមថ្ងៃឈប់សម្រាកដល់ចុងសប្ដាហ៍ ព្រួយបារម្ភពីសិស្សសាលាឆ្លងវីរុសកូរ៉ូណា
- 2020-01-28 03:55:16
- ចំនួនមតិ 0 | ចំនួនចែករំលែក 0
ចិនបន្ថែមថ្ងៃឈប់សម្រាកដល់ចុងសប្ដាហ៍ ព្រួយបារម្ភពីសិស្សសាលាឆ្លងវីរុសកូរ៉ូណា
ចន្លោះមិនឃើញ
ក្រសួងចិន បានបន្ថែមថ្ងៃឈប់សម្រាប់ចូលឆ្នាំថ្មីរហូតដល់ថ្ងៃអាទិត្យសម្រាប់សិស្សានុសិស្សទាំងអស់សម្រាប់សាលារៀន និងសកលវិទ្យាល័យទូទាំងប្រទេស។
យោងតាមការប្រកាសរបស់ក្រសួងធ្វើឡើងនៅថ្ងៃអង្គារនេះឲ្យដឹងថា ការចាប់ផ្ដើមវិស្សមកាលថ្មីនៃសាលារៀន និងសកលវិទ្យាល័យទាំងអស់ នឹងត្រូវផ្អាកជាបណ្ដោះអាសន្នសិនដើម្បីសុវត្ថិភាពរបស់សិស្ស។ ក្រសួងអប់រំចិន មិនបានបញ្ជាក់ច្បាស់លាស់ពីថ្ងៃដែលត្រូវចូលរៀន និងបង្រៀននោះទេ ដោយសារមេរោគកូរ៉ូណាកំពុងរាលដាលខ្លាំងទូទាំងប្រទេស។ យ៉ាងណាមិញ សេចក្ដីថ្លែងការណ៍របស់ក្រសួងបន្ថែមថា គ្រឹះស្ថានអប់រំទាំងអស់ នឹងត្រូវបើកទ្វារឡើងវិញតាមការសម្រេចចិត្តទៅលើស្ថានភាពជាក់ស្ដែង។ លើសពីនេះទៀត រដ្ឋបាលសាលាត្រូវបានណែនាំឱ្យ "ណែនាំសិស្សមិនឱ្យចេញទៅក្រៅ, មិនប្រមូលផ្តុំ និងមិនឱ្យចូលរួមសកម្មភាពប្រមូលផ្ដុំគ្នា។"
គួរបញ្ជាក់ថា ចំនួនអ្នកស្លាប់ដោយសារជំងឺរលាកសួតកូរ៉ូណាដែលមានប្រភពចេញពីទីក្រុង Wuhan ប្រទេសចិន បានកើនដល់ ១០៦នាក់ហើយបើគិតមកត្រឹមថ្ងៃអង្គារនេះ ខណៈដែលមានករណីឆ្លងជំងឺនេះ ១ ៣០០ករណីថែមទៀត។