- 2020-01-31 04:49:49
- សុខភាព
មានបុរសម្នាក់ដេកស្លាប់នៅតាមផ្លូវក្រុង Wuhan បង្កភាពភ្ញាក់ផ្អើលខ្លាំង
- 2020-01-31 04:49:49
- ចំនួនមតិ 0 | ចំនួនចែករំលែក 0
មានបុរសម្នាក់ដេកស្លាប់នៅតាមផ្លូវក្រុង Wuhan បង្កភាពភ្ញាក់ផ្អើលខ្លាំង
ចន្លោះមិនឃើញ
បុរសពាក់ម៉ាស់ម្នាក់បានដេកស្លាប់ នៅផ្លូវធ្វើដំណើរក្បែរកន្លែងលក់ឥវ៉ាន់មួយក្នុងក្រុង Wuhan ដែលពុំសូវមានមនុស្សឆ្លងកាត់ឡើយ។
បើតាម AFP ដែលនៅក្បែរកន្លែងនោះ បានបញ្ជាក់ថាបុរសម្នាក់ដេកស្លាប់នោះប្រហែលអាយុខ្ទង់៦០ឆ្នាំ។ ក្នុងដៃរបស់គេ មានស្បោងមួយដែលសន្និដ្ឋានថាទើបចេញពីទិញឥវ៉ាន់។ ក្រោយពីកើតហេតុ ក្រុមគ្រូពេទ្យបានមកយកសពបុរសម្នាក់នោះទៅ ប៉ុន្តែមិនទាន់បញ្ជាក់បានថាកត្តាអ្វីដែលធ្វើឱ្យគេស្លាប់នោះទេ។
ស្ត្រីម្នាក់ដែលនៅក្បែរនោះ បញ្ជាក់ថានាងគិតថាបុរសស្លាប់នេះ គឺដោយសារតែជំងឺ Corona ដែលកំពុងផ្ទុះឡើងខ្លាំង។ នាងបានបន្ថែមទៀតថាបច្ចុប្បន្ននេះគឺពិតជាគួរឱ្យខ្លាចខ្លាំង ព្រោះមានមនុស្សស្លាប់រាល់ថ្ងៃដោយសារតែជំងឺនេះ។ ខណៈដែលគិតត្រឹមថ្ងៃ៣១ខែមករាឆ្នាំ២០២០នេះ អ្នកស្លាប់នៅចិនកើនដល់២១៣នាក់ ក្នុងនោះមាន១៥៩នាក់ស្ថិតនៅក្រុង Wuhan កន្លែងដែលផ្ទុះមេរោគតែម្ដង។
ស្រង់សម្ដីពីភ្នាក់ងារ AFP បានបញ្ជាក់ថាពួកគេទាក់ទងទៅសួរខាងប៉ូលិស ដើម្បីស្វែងរកមូលហេតុដែលបុរសម្នាក់ស្លាប់នៅលើដងផ្លូវដែរ ប៉ុន្តែមិនទាន់បានចម្លើយច្បាស់នោះទេ។ បច្ចុប្បន្នតាមដងផ្លូវនៅ Wuhan មានរឹតបន្ដឹងខ្លាំង ហើយមិនសូវមានប្រជាពលរដ្ឋធ្វើដំណើរនោះទេ។ ប្រហែលជា២ម៉ោងដែលភ្នាក់ងារ AFP ឈរតាមដងផ្លូវ គឺឃើញឡានពេទ្យដឹងអ្នកជំងឺច្រើនជាង១០គ្រឿងឆ្លងកាត់៕