- 2020-02-01 04:32:24
- សេដ្ឋកិច្ច
ច្រឹក សុខនីម៖ វិស័យអចលនទ្រព្យ ២០១៩ លូតលាស់ល្អ និងមានបញ្ហាប្រឈមតិចតួចប៉ុណ្ណោះ
- 2020-02-01 04:32:24
- ចំនួនមតិ 0 | ចំនួនចែករំលែក 0
ច្រឹក សុខនីម៖ វិស័យអចលនទ្រព្យ ២០១៩ លូតលាស់ល្អ និងមានបញ្ហាប្រឈមតិចតួចប៉ុណ្ណោះ
ចន្លោះមិនឃើញ
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា ថានៅឆ្នាំ២០១៩ កន្លងទៅនេះ វិស័យអចលនទ្រព្យនៅប្រទេសកម្ពុជារីកលូតលាស់ល្អជាធម្មតា និងមានបញ្ហាប្រឈមបន្តិចបន្តួចប៉ុណ្ណោះ។
លោក ច្រឹក សុខនីម បានឲ្យដឹងថា វិស័យអចលនទ្រព្យកន្លងទៅឆ្នាំ ២០១៩ នេះគឺមើលឃើញថាមានដំណើរការទៅរលូន និងប្រកបដោយភាពវិជ្ជមានហើយនិងជឿជាក់ផងដែរ។ ទន្ទឹងនឹងនេះក៏មានបញ្ហាប្រឈមខ្លះៗផងដែរ ដូចជានៅខេត្តព្រះសីហនុ ទាក់ទងការជួលជាដើម។ ដោយសារតែកំណើនសេដ្ឋកិច្ចរង្វង់ ៧,៥% រៀងរាល់ឆ្នាំនៃ GDP នៅកម្ពុជា ហើយជាប្រទេសបាននិងកំពុងអភិវឌ្ឍន៍ ដូច្នេះកំណើននូវឱកាសក្នុងការរីកចម្រើនវិស័យអចលនទ្រព្យនៅតែមានកម្រិតខ្ពស់ បើធៀបជាមួយបណ្ដាប្រទេសក្នុងតំបន់ក៏ដូចជាសកលលោក នេះជាភាពរឹងមាំនិងវិជ្ជមាន។
អ្នកជំនាញខាងលើនេះបន្តប្រាប់ទៀតថា គោលនយោបាយរឹងមាំដែលអាចជឿជាក់បានរបស់រាជរដ្ឋាភិបាលកម្ពុជា ដើម្បីបង្កើតឲ្យមានសន្តិភាពបានធ្វើឲ្យកាលានុវត្តភាពនៃសេដ្ឋកិច្ចចេះតែបន្តរីកចម្រើនតាមរយៈវិស័យធនាគារនៅតែបន្តផ្ដល់កម្ចីឲ្យលើទីផ្សារអចលនទ្រព្យ ដូច្នេះភាពរឹងមាំក្នុងវិស័យអចលនទ្រព្យនៅតែបន្តភាពជឿជាក់ក្នុងរយៈពេលយូរដែលអាចធ្វើឲ្យគ្រប់គ្នាជឿជាក់ក្នុងពេលបច្ចុប្បន្ន និងរយៈពេល៥ឆ្នាំ ឬយូរទៅមុខទៀត។
សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) បានរៀបចំសន្និបាតបូកសរុបលទ្ធផលការងារឆ្នាំ ២០១៩ និងលើកទិសដៅឆ្នាំ២០២០ កាលពីថ្ងៃទី៣០ ខែមករា ឆ្នាំ២០១៩ នៅឯសណ្ឋាគារកាំបូឌីយ៉ាណា៕