- 2020-02-18 00:48:21
- ព័ត៌មាន
វីរុសកូរ៉ូណា៖ ចិន បញ្ជាឲ្យពលរដ្ឋ ៦០លាននាក់នៅផ្ទះ ៣ថ្ងៃទើបអនុញ្ញាតឲ្យចេញទិញស្បៀងម្តង
- 2020-02-18 00:48:21
- ចំនួនមតិ 0 | ចំនួនចែករំលែក 0
វីរុសកូរ៉ូណា៖ ចិន បញ្ជាឲ្យពលរដ្ឋ ៦០លាននាក់នៅផ្ទះ ៣ថ្ងៃទើបអនុញ្ញាតឲ្យចេញទិញស្បៀងម្តង
ចន្លោះមិនឃើញ
ចិន បាន និងកំពុងរឹតបន្តឹងលើសកម្មភាពមួយចំនួនរបស់ពលរដ្ឋខ្លួន នៅក្នុងខេត្ត Hubei ខណៈពេលដែលប្រទេសនេះ កំពុងប្រយុទ្ធប្រឆាំងនឹងវីរុសកូរ៉ូណា។
មនុស្សប្រមាណជា ៦០លាននាក់ ត្រូវបានបញ្ជាឲ្យស្នាក់នៅក្នុងផ្ទះ លើកលែងតែមានភាពអាសន្ន ហើយការប្រើប្រាស់រថយន្តឯកជនក៏ត្រូវបានហាមឃាត់ដែរ។ គួរឲ្យដឹងថា ខេត្ត Hubei និងទីក្រុង Wuhan គឺជាកន្លែងដែលទទួលរងគ្រោះខ្លាំងបំផុត។
ថ្វីបើពលរដ្ឋត្រូវបានរដ្ឋាភិបាលបញ្ជាឲ្យស្នាក់នៅក្នុងផ្ទះ ប៉ុន្តែពួកគេនឹងអនុញ្ញាតឲ្យចាកចេញ នៅពេលមានករណីអាសន្នណាមួយ។ មិនតែប៉ុណ្ណោះ មនុស្សម្នាក់ក្នុងគ្រួសារ នឹងត្រូវអនុញ្ញាតឲ្យចាកចេញពីផ្ទះ រៀងរាល់៣ថ្ងៃម្តង ដើម្បីទិញស្បៀង និងរបស់របរចាំបាច់។
ចំណែកឯអ្នករស់នៅក្នុងអគាររួម ច្រកទ្វារមួយនឹងបើកចំហឲ្យចេញចូល ហើយមានអ្នកយាមការពារ ដើម្បីធានាថាមានតែអ្នកនៅក្នុងអគារប៉ុណ្ណោះ ដែលអាចចេញចូលបាន។
ក្នុងនោះផងដែរ អាជីវកម្មទាំងអស់ត្រូវបិទទ្វារ លើកលែងតែអ្នកគីមីវិទ្យា, សណ្ឋាគារ, ហាងអាហារ និងសេវាកម្មវេជ្ជសាស្រ្តប៉ុណ្ណោះ។ រថយន្តដែលត្រូវបានប្រើដើម្បីដឹកជញ្ជូនទំនិញចាំបាច់ ក៏ត្រូវបានលើកលែងពីការហាមឃាត់ដែរ៕