អគ្គិភ័យឆាបឆេះផ្ទះអស់១៦ខ្នង នៅសង្កាត់ទួលសង្កែ ខណ្ឌឫស្សីកែវ ស្លាប់មនុស្សម្នាក់

2020-02-25 14:59:26
ព័ត៌មាន

2020-02-25 14:59:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្ទះចំនួន ១៦ខ្នងត្រូវអគ្គិភ័យឆាបឆេះរាលដាលបន្តបន្ទាប់គ្នា នៅវេលាម៉ោង ៩និង២០នាទីព្រឹក ថ្ងៃទី២៥ ខែកុម្ភៈ ឆ្នាំ២០២០ ស្ថិតនៅតាមបណ្តោយផ្លូវរថភើ្លង កែងនឹងផ្លវ២៧៣ ក្រុមទី១R ភូមិបាក់ទូក សង្កាត់ទួលសងែ្កទី១ ខណ្ឌឫស្សីកែវ រាជធានីភ្នំពេញ។ នេះបើយោងតាមការចុះផ្សាយរបស់ គេហទំព័រ អគ្គស្នងការនគរបាលជាតិ។

ម្ចាស់ផ្ទះដែលរងការឆេះដំបូងឈ្មោះ សន រដ្ឋា ភេទប្រុស មុខរបរ មន្ត្រីយោធា ។ ផ្ទះធ្វើអំពីឈើប្រក់សង្ក័សី ទំហំ ៥មx២២ម និងឆេះរាលដាលដល់ផ្ទះចំនួន ១៥ខ្នងផ្ទះទៀតដែលនៅជាប់ៗគ្នា បណ្តាលឲ្យមនុស្សស្លាប់ឈ្មោះ កប មុំ ភេទស្រី មុខរបរមិនពិតប្រាកដ រស់នៅកន្លែងកើតហេតុ ។

ផ្អែកតាមរបាយការណ៍ គឺ៖

សមត្ថកិច្ចបានប្រើប្រាស់រថយន្តការិយាល័យអគ្គិភ័យ ចំនួន ២៥គ្រឿង,
រថយន្តជំនួយរបស់ ក្រសួងមហាផៃ្ទចំនួន ០៣គ្រឿង
រថយន្តរបស់កងរាជអាវុធហត្ថ ចំនួន ០២គ្រឿង មិនបានប្រើប្រាស់ទឹក
រថយន្តសាលាខណ្ឌឫស្សីកែវចំនួន ០១គ្រឿង
រថយន្តក្រុមហ៊ុនOCICទីក្រុងជ្រោយចង្វារចំនួន ០៧គ្រឿង
រថយន្ដក្រុមហ៊ុនOCICទីក្រុងកោះពេជ្រចំនួន ០៣ គ្រឿង
រថយន្តក្រុមហ៊ុនស្រាបៀរកម្ពុជាចំនួន ០១ឡាន ទើបអាចពន្លត់ភ្លើងបានជាស្ថាពរនៅវេលាម៉ោង១០ និង៣០នាទីព្រឹក នាថ្ងៃខែឆ្នាំដដែល ។ ចំពោះមូលហេតុ និងទំហំនៃការខូចខាតសមត្ថកិច្ចកំពុងស្រាវជ្រាវ និងធ្វើកំណត់ហេតុ ៕