- 2020-03-05 10:45:28
- ព័ត៌មាន
វៀតណាមកំពុងតាមរកអ្នកដំណើរ ៥នាក់ ដែលជិះយន្ដហោះជាមួយបុរសជប៉ុនផ្ទុក COVID-19
- 2020-03-05 10:45:28
- ចំនួនមតិ 0 | ចំនួនចែករំលែក 0
វៀតណាមកំពុងតាមរកអ្នកដំណើរ ៥នាក់ ដែលជិះយន្ដហោះជាមួយបុរសជប៉ុនផ្ទុក COVID-19
ចន្លោះមិនឃើញ
អាជ្ញាធរទីក្រុងហូជីមីញ កំពុងតាមស្វែងរកអ្នកដំណើរ ៥នាក់ដែលធ្វើដំណើរជាមួយបុរសជនជាតិជប៉ុនដែលត្រូវបានរកឃើញមានឆ្លងវីរុសកូរ៉ូណា។
យោងតាមមជ្ឈមណ្ឌលគ្រប់គ្រងជំងឺឆ្លងនៃទីក្រុងហូជីមីញឲ្យដឹងថា បុរសនេះ បានធ្វើដំណើរទៅកម្ពុជានៅថ្ងៃទី១៦ ខែកុម្ភៈ ឆ្នាំ២០២០ ឆ្លងកាត់វៀតណាម ហើយបានធ្វើដំណើរទៅហ្វីលីពីននៅថ្ងៃទី២១ ខែកុម្ភៈ។ ក្នុងជើងហោះហើរលេខ VN814 មនុស្ស ៥១នាក់ រួមទាំងបុគ្គលិកបម្រើលើយន្តហោះ បានធ្វើដំណើរមកពីសៀមរាបជាមួយបុរសនេះ ប៉ុន្តែមានតែ ៥នាក់ប៉ុណ្ណោះដែលបានចូលក្នុងទីក្រុងហូជីមីញ ចំណែកឯអ្នកផ្សេងទៀតបន្ដដំណើរទៅកាន់ទិសដៅរៀងៗខ្លួន។
ក្នុងចំណោមអ្នកទាំង ៥ដែលអាជ្ញាធរកំពុងតាមរក មានជនជាតិវៀតណាមម្នាក់, បារាំង ៣នាក់ និងអូស្ត្រាលីម្នាក់។ តាមរយៈការជូនដំណឹងនេះ អាជ្ញាធរវៀតណាមអំពាវនាវឲ្យអ្នកដំណើរទាំង ៥ធ្វើការទាក់ទងមកកាន់អាជ្ញាធរសុខភាពមូលដ្ឋានដើម្បីសុំជំនួយ និងការណែនាំអំពីវិធានការបង្ការចាំបាច់ដូចដែលបានកំណត់៕