- 2020-03-11 08:48:39
- ព័ត៌មាន
ព្រឹកស្អែកនេះ អាជ្ញាធរខេត្តសៀមរាបនឹងចុះយុទ្ធនាការសម្អាត និងបាញ់ថ្នាំសម្លាប់វីរុស COVID-19
- 2020-03-11 08:48:39
- ចំនួនមតិ 0 | ចំនួនចែករំលែក 0
ព្រឹកស្អែកនេះ អាជ្ញាធរខេត្តសៀមរាបនឹងចុះយុទ្ធនាការសម្អាត និងបាញ់ថ្នាំសម្លាប់វីរុស COVID-19
ចន្លោះមិនឃើញ
ស្អែកនេះ អាជ្ញាធរខេត្តសៀមរាប នឹងចុះយុទ្ធនាការសម្អាត និងបាញ់ថ្នាំសម្លាប់ Covid-19 ក្រោយពីបុរសវ័យ ៣៨ឆ្នាំម្នាក់ បានឆ្លងកូរ៉ូណាវីរ៉ុស ពីជនជាតិជប៉ុន។ នេះបើយោងតាមផេកផ្លូវការរដ្ឋបាលខេត្តសៀមរាប បានឲ្យដឹងនៅថ្ងៃទី ១១ ខែមីនា ឆ្នាំ២០២០នេះ។
ប្រភពដដែលបានឲ្យដឹងទៀតថា នៅព្រឹកស្អែកថ្ងៃទី១២ ខែមីនា ឆ្នាំ២០២០នេះ អភិបាលខេត្តនឹងដឹកនាំចុះយុទ្ធនាការសម្អាត និងបាញ់ថ្នាំសម្លាប់វីរុស COVID-19 ឯកឧត្តមទៀ សីហា អភិបាលនៃគណៈអភិបាលខេត្ត នឹងអញ្ជើញដឹកនាំមន្ត្រីជំនាញមន្ទីរសុខាភិបាល មន្ត្រីរាជការមន្ទីរអង្គភាព សហភាពសហព័ន្ធយុវជនកម្ពុជាសាខាខេត្តសៀមរាប យុទ្ធនាការសម្អាត និងបាញ់ថ្នាំសម្លាប់វីរុស COVID-19 ដោយចាប់ផ្ដើមជួបជុំនៅនៅសួនច្បារព្រះរាជដំណាក់ខេត្តសៀមរាប វេលាម៉ោង ៧៖៣០នាទីព្រឹក ថ្ងៃទី១២ ខែមីនា ឆ្នាំ២០២០។
ទាក់ទងនឹងបញ្ហាសុខភាពរបស់ បុរសវ័យ៣៨ឆ្នាំ ដែលមានផ្ទុកវីរ៉ុសកូរ៉ូណា ដែលបានដាក់ឲ្យនៅដាច់ដោយឡែកនៅមន្ទីរពេទ្យបង្អែកខេត្តសៀមរាប គឺស្ថានភាពសុខភាពល្អ ដោយមិនទាន់ចេញរោគសញ្ញាអ្វីនៅឡើយទេ ហើយស្ថានភាពនៃការឆ្លងនៅកម្ពុជា គឺមិនទាន់មានការឆ្លងរីករាលដាលណាមួយនៅសហគមន៍ ដែលនាំឲ្យមានការព្រួយបារម្ភអ្វីនោះឡើយ។ នេះបើតាមការបញ្ជាក់ពី លោកជំទាវ ឱ វ៉ាន់ឌីន អ្នកនាំពាក្យក្រសួងសុខាភិបាលថ្លែងប្រាប់នៅក្នុងសន្និសីទសារព័ត៌មានមួយក្នុងរាជធានីភ្នំពេញ កាលពីព្រឹកមិញនេះ។
ប្រទេសកម្ពុជាត្រូវបានរកឃើញអ្នកផ្ទុកវីរ៉ុសកូរ៉ូណា ចំនួន៣នាក់ គឺ
អ្នកទី១ ជាជនជាតិចិន នៅក្រុងព្រះសីហនុ ហើយក្រុមមន្រ្តីបានព្យាបាលបានជាសះស្បើយ។។
អ្នកទី២ ជាជនជាតិខ្មែរ អាយុ៣៨ឆ្នាំ នៅខេត្តសៀមរាប កំពុងដាក់ឲ្យនៅដាច់ដោយឡែកនៅមន្ទីរពេទ្យបង្អែកខេត្តសៀមរាប
អ្នកទី៣ ជាស្រ្តីវ័យ៦៥ឆ្នាំ ជាជនជាតិអង់គ្លេស នៅខេត្តកំពង់ចាម ដែលកំពុងដាក់ឲ្យនៅដាច់ដោយឡែកផងដែរ។
ព័ត៌មានលម្អិតចុចអាន ត្រង់នេះ