- 2020-03-12 09:04:23
- ព័ត៌មាន
មិនធម្មតា! ចិនព្យាបាលអ្នកជំងឺ Covid-19 ជាសះស្បើយ ៧០% ក្នុងចំណោម ៨ម៉ឺននាក់
- 2020-03-12 09:04:23
- ចំនួនមតិ 0 | ចំនួនចែករំលែក 0
មិនធម្មតា! ចិនព្យាបាលអ្នកជំងឺ Covid-19 ជាសះស្បើយ ៧០% ក្នុងចំណោម ៨ម៉ឺននាក់
ចន្លោះមិនឃើញ
មន្រ្តីអង្គការសុខភាពពិភពលោក បាននិយាយកាលពីថ្ងៃច័ន្ទថាប្រជាជនប្រមាណ ៨០,០០០ នាក់ដែលបានធ្លាក់ខ្លួនឈឺដោយសារជម្ងឺ Covid-19 នៅក្នុងប្រទេសចិន ត្រូវបានព្យាបាលជាសះស្បើយជាង ៧០% ហើយអនុញ្ញាតឲ្យចេញពីមន្ទីរពេទ្យ។
លោកវេជ្ជបណ្ឌិត Tedros Adhanom Ghebreyesus អគ្គនាយកនៃអង្គការសុខភាពពិភពលោកមានប្រសាសន៍ថា “គុណប្រយោជន៍ដ៏អស្ចារ្យដែលយើងមាន គឺការសម្រេចចិត្តដែលយើងធ្វើទាំងអស់ដូចជារដ្ឋាភិបាល, អាជីវកម្ម, សហគមន៍គ្រួសារ, និងបុគ្គលម្នាក់ៗ អាចជះឥទ្ធិពលដល់ការរីករាលដាលនៃជំងឺ Covid-19។” អ្នកជំងឺដែល ត្រូវបានអនុញ្ញាតឲ្យចេញពីមន្ទីរពេទ្យ ជាធម្មតានៅពេលដែលពួកគេធ្វើតេស្តិ៍អវិជ្ជមានចំនួនពីរដងក្នុងរយៈពេល ២៤ ម៉ោង មានន័យថាពួកគេលែងផ្ទុកវីរុសនេះហើយ បើទោះបីជាប្រទេសខ្លះ អាចប្រើនិយមន័យខុសគ្នាបន្តិចបន្តួចក៏ដោយដែលវាអាចរាប់បញ្ចូលនៅពេលដែលមនុស្សមិនមានរោគសញ្ញាផ្លូវដង្ហើមឬមានរោគសញ្ញាច្បាស់លាស់ ឬតាមរយៈការស្គែនក្នុងម៉ាស៊ីន CT។ លោកវេជ្ជបណ្ឌិត Ghebreyesus បន្ថែមថា "”យើងត្រូវចាំថា ជាមួយនឹងការសំរេចចិត្តចេញសកម្មភាពដំបូងរបស់យើង អាចបន្ថយល្បឿននិងការពារការឆ្លងបាន។ ក្នុងចំណោមអ្នកដែលឆ្លងជំងឺទាំងអស់ ភាគច្រើននឹងជាសះស្បើយឡើងវិញ។"
យ៉ាងណាមិញ អង្គការសុខភាពពិភពលោក បាននិយាយថាអាចចំណាយពេលយូរជាងនេះគួរឱ្យកត់សម្គាល់សម្រាប់ព្យាបាលឲ្យជាសះស្បើយឡើងវិញអាស្រ័យលើភាពធ្ងន់ធ្ងរនៃជំងឺនេះ៕