ពេទ្យវៀតណាមម្នាក់ តស៊ូប្រយុទ្ធ Covid-19ជិត ២ខែ រហូតដល់ឆ្លងវីរុសខ្លួនឯង

2020-03-25 02:21:07
ព័ត៌មាន

2020-03-25 02:21:07
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូពេទ្យវៀតណាមម្នាក់ បានក្លាយជាអ្នកជំងឺក្នុងចំណោមអ្នកឆ្លងថ្មី ៣នាក់ក្នុងប្រទេសវៀតណាម ដែលត្រូវបានក្រសួងសុខាភិបាលអះអាងកាលពីថ្ងៃចន្ទកន្លងទៅ។

យោងតាមក្រសួងឲ្យដឹងថា គ្រូពេទ្យវ័យ ២៩ឆ្នាំ បានក្លាយជាគ្រូពេទ្យឆ្លងវីរុសកូរ៉ូណាដំបូងគេបង្អស់ក្នុងប្រទេសវៀតណាម ក្រោយធ្វើការនៅផ្នែកសង្គ្រោះបន្ទាន់នៅពេទ្យជាតិប្រយុទ្ធប្រឆាំងជំងឺក្នុងសង្កាត់ Dong Anh ទីក្រុងហាណូយ។ គ្រូពេទ្យរូបនេះ ត្រូវបានគេដឹងថាបានចូលរួមប្រយុទ្ធប្រឆាំងនឹង Covid-19 ចាប់តាំងពីថ្ងៃទី ៣១ខែមករាមក ដោយតាមដាននិងព្យាបាលអ្នកជំងឺឆ្លង។ រហូតមកដល់ថ្ងៃទី ១៩ខែមីនា លោកគ្រូពេទ្យខាងលើ មានអាការឈឺក ហើយចាប់ផ្ដើមក្អក និងឈឺសាច់ដុំ។ ថ្ងៃបន្ទាប់ទៀត លោកបានដាក់ខ្លួនឲ្យនៅដាច់ដោយឡែកពីគេ និងយកសំណាកទៅធ្វើតេស្ដរកមេរោគនៅវិទ្យាស្ថានរោគរាតត្បាតជាតិ ហើយរកឃើញថាមានវិជ្ជមាន Covid-19។ ឥឡូវនេះ លោកគ្រូពេទ្យ Nguyen Trung Cap កំពុងសម្រាកព្យាបាលបន្ដ មុននឹងអាចជាសះស្បើយដើម្បីអាចជួយព្យាបាលអ្នកជំងឺផ្សេងទៀត។

គួរបញ្ជាក់ថា មកទល់ពេលនេះ ប្រទេសវៀតណាមបានរាយការណ៍ចំនួនអ្នកឆ្លង Covid-19 សរុប ១៣៤ករណី ដោយក្នុងនោះមាន ១៦នាក់ត្រូវបានព្យាបាលឲ្យជាសះស្បើយ៕

ប្រភព៖ vnexpress ប្រែសម្រួល៖ រ័ត្ន