- 2020-04-03 10:53:20
- ព័ត៌មាន
អ្នកនៅផ្ទះ គួរមាន App ទាំង ១១ នេះ ស្រួលកុម្ម៉ង់ទិញម្ហូបអាហារ ភេសជ្ជៈ បន្លែត្រីសាច់ ដឹកជូនលឿនៗ!
- 2020-04-03 10:53:20
- ចំនួនមតិ 0 | ចំនួនចែករំលែក 0
អ្នកនៅផ្ទះ គួរមាន App ទាំង ១១ នេះ ស្រួលកុម្ម៉ង់ទិញម្ហូបអាហារ ភេសជ្ជៈ បន្លែត្រីសាច់ ដឹកជូនលឿនៗ!
ចន្លោះមិនឃើញ
ខណៈពេលដែល Covid-19 កំពុងវាយលុកទូទាំងពិភពលោក ប្រជាជនភាគច្រើន រួមទាំងនៅកម្ពុជាផងនោះ បានចូលរួមទប់ស្កាត់ការឆ្លងរាលដាល តាមរយៈការស្នាក់នៅក្នុងផ្ទះ។ ទោះនៅផ្ទះ តម្រូវការចាំបាច់មួយចំនួននៅតែមិនអាចជៀសបាន ដូចជាម្ហូបអាហារ ភេសជ្ជៈ គ្រឿងឧបភោគបរិភោគ ជាដើម។ ដើម្បីងាយស្រួល មិនចាំបាច់ចេញទៅទិញ ប្រិយមិត្តគួរកុម្ម៉ង់តាមរយៈ App លើទូរសព្ទដៃ។
Sabay សូមណែនាំឲ្យស្គាល់ App ដឹកជញ្ជូន ចំនួន ១១ ដូចខាងក្រោម៖
១. Nham24
Nham24 គឺជា App ដែលបម្រើសេវាកម្មចម្រុះមានដូចជាការកុម្ម៉ង់អាហារ, គ្រឿងទេស, ផលិតផលច្រើនសម្បូរបែប និងការដឹកជញ្ជូន។ Nham 24 ភ្ជាប់ទំនាក់ទំនងអតិថិជនទៅកាន់ភោជនីយដ្ឋាន និងហាងជាច្រើនដែលនៅក្បែរលោកអ្នក។ តម្លៃសេវាកម្មសមរម្យចាប់ពី ១ ទៅដល់ ៣ដុល្លារប៉ុណ្ណោះ អាស្រ័យតាមទីតាំង ជិតឬឆ្ងាយ។
ដោនឡូតយក App Nham24 ៖ សម្រាប់ IOS & សម្រាប់ Android
២. Bloc
Bloc Delivery គឺជា App ដឹកជញ្ជូនដែលបម្រើការប្រចាំថ្ងៃសម្រាប់អតិថិជន។ កាន់តែងាយស្រួលសម្រាប់ការកុម្ម៉ង់អាហារ, ភេសជ្ជៈ និងផលិតផលប្រើប្រាស់ប្រចាំថ្ងៃ។ សម្រាប់តម្លៃដឹកជញ្ជូនមានចាប់ពី ១ដុល្លារ ដល់ ៣ដុល្លារ អាស្រ័យលើទីតាំងជិតឆ្ងាយ។
ដោនឡូតយក App Bloc តាមរយៈ ៖ សម្រាប់ IOS & សម្រាប់ Android
៣. E-gets
E-gets បម្រើជូនសេវាកម្មដឹកជញ្ជូនម្ហូបអាហារ និងភេសជ្ជៈរហ័សទាន់ចិត្តតាមការកុម្ម៉ង់ និងតម្រូវការរបស់ភ្ញៀវ។ ជាមួយ E-gets លោកអ្នកអាចធ្វើការបង់ប្រាក់តាមរយៈ Online និងអ្នកដឹកជញ្ជូនផ្ទាល់។
ដោនឡូតយក App E-gets តាមរយៈ ៖ សម្រាប់ IOS & សម្រាប់ Android
៤. Foodpanda
Foodpanda ផ្ដល់ជូននូវសេវកម្មដឹកជញ្ជូនម្ហូបអាហារយ៉ាងឆាប់រហ័សមកពីភោជនីយដ្ឋានល្អបំផុតនៅក្បែរអតិថិជន។ មានប្រភេទអាហារច្រើនជម្រើសទៅតាមការចង់បានរបស់អតិថិជន ជាមួយការដឹកជញ្ជូនឆាប់រហ័សក្នុងតម្លៃសមរម្យទៅតាមទីតាំង។
ដោនឡូតយក App FoodPanda តាមរយៈ ៖ សម្រាប់ IOS & សម្រាប់ Android
៥. Muuve
Muuve គឺជាសេវាកម្មដឹកជញ្ជូនម្ហូបអាហារដែលទើបបង្កើតឡើងថ្មី ដើម្បីផ្ដល់ជូនអតិថិជននូវជម្រើសកុម្ម៉ង់ងាយស្រួល និងឆាប់រហ័ស។ Muuve ផ្ដល់ជូននូវជម្រើសដ៏សម្បូរបែបរាប់ចាប់តាំងពីភោជនីយដ្ឋានល្បីៗ រហូតដល់អាហារតាមផ្លូវ Street Food។
ដោនឡូតយក App Muuve តាមរយៈ ៖ សម្រាប់ IOS & សម្រាប់ Android
៦. រហ័ស Delivery
រហ័ស Delivery ផ្តល់ជូននូវសេវាកម្មដឹកជញ្ជូនពីអ្នកលក់ដល់អ្នកទិញក្នុងថ្ងៃតែមួយ ដោយមានសេវាកម្មទៅប្រមូលអីវ៉ាន់ដល់គេហដ្ឋានអស់លោកអ្នកផងដែរ និងផ្ទេរប្រាក់ក្នុងថ្ងៃតែមួយ សម្រាប់អ្នកប្រកបអាជីវកម្មអនឡាញ ONLINE។
ទំនាក់ទំនង រហ័ស Delivery តាមរយៈ ៖ ហ្វេសប៊ុក រហ័ស Delivery
៧. KH Express
ខេអេចអ៊ិចប្រេស គឺជាសេវាកម្មឈានមុខគេនៅក្នុងឧស្សាហកម្មសេវាកម្មដឹកជញ្ជូនតាមតំរូវការ យើងដឹកជញ្ជូនទំនិញគ្រប់ប្រភេទកញ្ចប់តាមអ៊ិនធើណិតឯកសារ។
ដោនឡូតយក App Kh Express ៖ សម្រាប់ Android
៨. Grocery Delivery
Grocery Delivery គឺជាផ្សារទំនើបតាមអ៊ិនធឺរណែតចុងក្រោយបង្អស់មួយនៅភ្នំពេញជាមួយនឹងការដឹកជញ្ជូនរហ័ស និងដឹកជូននៅថ្ងៃបន្ទាប់។ ផ្តល់ជូនការបញ្ចុះតម្លៃ ដ៏ល្អបំផុតលើការទិញទំនិញ។ ដឹកជញ្ជូនដោយឥតគិតថ្លៃសម្រាប់ការចំណាយ ៤០ ដុល្លារឡើងទៅ។ ទូទាត់តាមកាតឥណទានឬសាច់ប្រាក់លើការដឹកជញ្ជូន។
ដោនឡូតយក App Grocery Delivery តាមរយៈ ៖ សម្រាប់ IOS & សម្រាប់ Android
៩. Grocerdel
Grocerdel ផ្តល់ជូននូវកុម្ម៉ង់អាហារ និងគ្រឿងទេសរាប់ពាន់មុខ តាមតម្រូវការរបស់អតិថិជន។ ចំណាយតិច និងចំណេញពេលវេលាខ្ពស់ ជាមួយការដឹកជញ្ជូនទៅដល់គេហដ្ឋានរបស់លោកអ្នក។
ដោនឡូតយក App Grocerdel តាមរយៈ ៖ សម្រាប់ IOS & សម្រាប់ Android
១០. Deli-shop
Deli-shop ជាផ្សារទំនិញ Supermarket online ដំបូងគេក្នុងប្រទេសកម្ពុជាជាមួយជម្រើសផលិតផលជាង ៩ពាន់មុខ។ ផលិតផល មានដឹកជូនដល់គេហដ្ឋានក្នុងរយៈពេល ២៤ម៉ោងប៉ុណ្ណោះ ដែលផ្ដល់ភាពងាយស្រួលដល់អតិថិជន។
១១. ផ្សារកសិផលធម្មជាតិ ឡេង ណាវ៉ាត្រា
ប្រិយមិត្ត អាចកុម្ម៉ង់ទិញត្រី សាច់ បន្លែ និងផ្លែឈើសុទ្ធ១០០% បានពីផ្សារទំនើបកសិផលធម្មជាតិ ឡេង ណាវ៉ាត្រា។ ដឹកជញ្ជូនកសិផលធម្មជាតិដល់ផ្ទះដោយឥតគិតថ្លៃ អាចទាក់តាមទូរសព្ទលេខ៖ ០១១ ៤៤៤ ៤៤៤ ឬតាមរយៈ App Navatra Market (ចុចដោនឡូត) ៕