ជា ម៉េង លឹម ចែករំលែកបទពិសោធន៍ជាង ៣០ឆ្នាំមុន ចង់ធ្វើពេទ្យធ្មេញ មានតែរៀនតាមវិធីនេះ

2020-04-04 06:37:22
ព័ត៌មាន

2020-04-04 06:37:22
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ជា ម៉េង លឹម បច្ចុប្បន្នជា គ្រូពេទ្យធ្មេញ ធ្លាប់មានបទពិសោធន៍ជាង ៣០ឆ្នាំមុន លើការងារមួយនេះ។ លោកក៏បានចូលខ្លួនមក ចែករំលែកបទពិសោធន៍ជីវិត មុនពេលចាប់ផ្តើម និងផលវិបាក អំឡុងពេលស្រុកទេសមិនទាន់មានឧបករណ៍ទំនើបប្រើប្រាស់ដូចសព្វថ្ងៃ។

លោក ជា ម៉េង លឹម

លោកគ្រូពេទ្យធ្មេញ ដ៏ជំនាញ មានស្រុកកំណើតនៅខេត្តសៀមរាប រូបនេះបានបង្ហើបឲ្យដឹងថា កាលពីមុនដើម្បីចេះវិជ្ជាពេទ្យធ្មេញនេះ គឺសិក្សាតៗគ្នាតាំងពីឪពុកមកម្ល៉េះ។

ទោះជាមានផលលំបាកច្រើន តែដោយមានទេពកោសល្យផងនោះ លោកក៏បានរៀនបន្ថែមតាមរយៈការមើលសំណួរ-ចម្លើយ (Q&A) ពីក្នុងសៀវភៅអស់ជាច្រើនឆ្នាំ រៀនសង្កេត រៀនអនុវត្ត រួចចាយពេល ៤ ឆ្នាំទើបហ៊ានប៉ះមាត់(ធ្មេញ) ព្យាបាលអ្នកជំងឺ។

លោកគ្រូពេទ្យវ័យ ៤៨ ឆ្នាំក៏បានលើកទឹកចិត្ត ដល់យុវជនជំនាន់ក្រោយដែលចង់ចាប់ជំនាញមួយនេះ (ពេទ្យធ្មេញ)។ "បើចិត្តអ្នកចង់ គឺរហ័សចេះណាស់ រហ័សយល់ និងឆាប់ចាប់បាន ហើយសំខាន់វាទាល់តែដុះពីចិត្តយើងខ្លួនឯងទៀត ទើបទៅមុខកើត"។

ទោះដឹងថាលំបាក តែវាជាចំណេះជំនាញដែលគ្មានអ្នកលួចបាន លោកក៏បន្តដោយមិនរារែក។ បន្តបន្ទាប់មក លោកខិតខំព្យាយាមរហូតដល់អាចទំនុកបម្រុងកូនឲ្យបន្តការសិក្សាថ្នាក់ឧត្តមផ្នែក ទន្តពេទ្យ ចំនួន ២ រូបថែមទៀតផង៕

ទស្សនាវីដេអូខាងក្រោម៖