- 2016-12-12 03:19:37
- ព័ត៌មាន
ពាក្យ៧ឃ្លា បុគ្គលជោគជ័យ មិននិយាយ
- 2016-12-12 03:19:37
- ចំនួនមតិ 0 | ចំនួនចែករំលែក 0
ពាក្យ៧ឃ្លា បុគ្គលជោគជ័យ មិននិយាយ
ចន្លោះមិនឃើញ
ភាពជោគជ័យ មិនមែនកើតឡើងក្នុងពេលមួយរំពេចភ្នែកនោះទេ។ វាពាក់ព័ន្ធទៅនឹងការខិតខំធ្វើការ និងជំហានតូចៗឆ្ពោះទៅមុខ ក្នុងរយៈពេលជាច្រើនឆ្នាំ។ វាតម្រូវឲ្យមានភាពបត់បែន និងការវិភាគដោយប្រុងប្រយ័ត្ន ចំពោះអ្វីដែលអ្នកកំពុងតែធ្វើ នៅក្នុងជីវិតរបស់អ្នក។
ជាមួយគ្នានេះដែរ អ្នកគួរតែលុបបំបាត់នូវពាក្យសម្តីខ្លះៗ ចេញពីការគិតរបស់អ្នក ដើម្បីបង្កើនល្បឿន ឈានទៅឲ្យដល់ផ្លូវជោគជ័យ កាន់តែឆាប់រហ័ស។
ខាងក្រោមនេះ គឺជាពាក្យទាំង៧ឃ្លា ដែលបុគ្គលជោគជ័យ មិននិយាយ៖
១) ខ្ញុំស្អប់ការងាររបស់ខ្ញុំ
មានច្បាប់ដ៏ធំមួយ ដែលបុគ្គលជោគជ័យទាំងអស់គោរពតាម គឺ មិនលម្អៀង និង អព្យាក្រឹត។ ត្រូវចងចាំថា មុនពេលបោះការចោទប្រកាន់ ឬគំរាមកំហែងអ្វីមួយ ត្រូវតែធ្វើការថ្លឹងថ្លែងពីគុណសម្បត្តិ និងគុណវិបត្តិជាមុនសិន។
២) វាមិនស្មើភាពឡើយ
បុគ្គលជោគជ័យមិនដែលត្អូញត្អែរថា កិច្ចខិតខំប្រឹងប្រែងរបស់ពួកគេ មិនត្រូវបានទទួលស្គាល់ ឬ បរាជ័យក្នុងការទទួលបាន ការកោតសរសើរឡើយ។
៣) វាមិនមែនត្រូវបញ្ចប់នៅទីនេះឡើយ
បំណងប្រាថ្នាក្នុងការផ្លាស់ប្តូរអ្វីមួយ គឺជាលក្ខណៈសំខាន់នៃបុគ្គលជោគជ័យ។ បើអ្នកងាយស្រួល ក្នុងការទទួលយកអ្វីដែលថ្មី នោះអ្នកនឹងទទួលបានឱកាសកាន់តែច្រើន ក្នុងការចាប់យកសំណាង និងការសម្រេចអ្វីមួយ។
៤) វាមិនមែនជាការងារខ្ញុំឡើយ
បុគ្គលជោគជ័យពិតប្រាកដម្នាក់ គឺជាមនុស្សដែលមិនចេះកៀបសង្កត់អ្នកដទៃ។ ផ្ទុយទៅវិញ ពួកគេរីករាយនឹងជួយមិត្តរួមការងារ ដើម្បីទទួលបានភាពជោគជ័យដូចគ្នា។ ការដែលអាចធ្វើការជាក្រុម ក៏ដូចជា លើកទឹកចិត្ត និង រួសរាយដាក់គ្នាទៅវិញទៅមក គឺជារឿងសំខាន់បំផុត ដើម្បីសម្រេចបានភាពជោគជ័យ។
៥) វាមិនអាចទៅរួចទេ
សូមកុំព្យាយាមសម្លឹងមើលការលំបាករបស់អ្នក ដូចជាជញ្ជាំងថ្មមួយផ្ទាំង ដែលបាំងផ្លូវរបស់អ្នក។ ផ្ទុយទៅវិញ អ្នកគួររីករាយក្នុងការប្រឈមមុខ និងប្រកួតប្រជែង ក្នុងដំណើរផ្សងព្រេងនៃជីវិតរបស់អ្នក ដូច្នេះបញ្ហានឹងអាចដោះស្រាយបាន កាន់តែងាយស្រួល។
៦) វាអាចនឹងសម្រេចតាមវិធីផ្សេងទៀត
ការរិះគន់ខ្លួនឯង គឺគ្មានប្រយោជន៍ឡើយ ប្រសិនបើអ្នកបរាជ័យ ចំពោះភារកិច្ចសំខាន់ ដែលអ្នកបានធ្វើ។ បញ្ឈប់ការធ្វើបាប និងបន្ទោសខ្លួនឯង ចំពោះកំហុសដែលកន្លងផុតទៅ រួចរៀនសូត្រពីវា និងឆ្ពោះដំណើរទៅមុខបន្តទៀត។
៧) ខ្ញុំគ្មានជម្រើសឡើយ
អ្នកតែងតែមានឱកាសជាច្រើន។ បុគ្គលជោគជ័យ តែងតែរកឃើញវិធីសាស្ត្រ ដើម្បីបង្កើតផ្លូវដើរទៅរកភាពជោគជ័យរបស់ពួកគេជានិច្ច៕