- 2017-04-12 03:55:49
- ព័ត៌មាន
ថ្ងៃមហាសង្ក្រាន្តមកដល់គ្រួសារនីមួយៗដាច់ខាតត្រូវធ្វើបែបនេះ ទើបទេវតាប្រទានពរជ័យ
- 2017-04-12 03:55:49
- ចំនួនមតិ 0 | ចំនួនចែករំលែក 0
ថ្ងៃមហាសង្ក្រាន្តមកដល់គ្រួសារនីមួយៗដាច់ខាតត្រូវធ្វើបែបនេះ ទើបទេវតាប្រទានពរជ័យ
ចន្លោះមិនឃើញ
ក្នុងថ្ងៃមហាសង្ក្រាន្តមកដល់ នៅវេលាម៉ោងដែលទេវតាចុះមក គ្រួសារនីមួយៗត្រូវជួបប្រជុំគ្នា ដើម្បីថ្វាយបង្គំព្រះនមស្សការព្រះរតនត្រ័យសមាទានសីល ហើយតាំងចិត្តឱ្យបានស្អាតបរិសុទ្ធ ជ្រះស្រឡះនូវមន្ទិលទាំងពួង ចិត្តរំពឹងគិតទៅលើព្រះពុទ្ធ ព្រះធម៌ព្រះសង្ឃជាទីពឹងទីរឭក លុះចប់ពិធីទទួលទេវតា ទើបទទួលបាននូវសេចក្ដីសុខ សុភមង្គល។ នេះបើតាមលោកតាអាចារ្យ គង់ ណេរ ប្រាប់មកកាន់ Sabay។
ចំពោះរណ្ដាប់ទទួលទេវតាឆ្នាំថ្មីទេពធីតា ព្រះនាម កិមិរាទេវី ក្នុងឆ្នាំនេះ មានដូចជា៖ បាយសីត្រឹម៥ថ្នាក់ចុះមក ឬរៀបត្រឹមគ្រឿងសក្ការបូជា ដែលមាន ទៀនប្រាំ ធូបប្រាំ ស្លាធម៌កូនចេកមួយគូក៏ល្មមសមគួរដែរ។ ចំពោះផ្លែឈើសម្រាប់ប្រជាជនទូទៅ គួររៀបចំឱ្យបាន ៣មុខ ឬ៥មុខក៏ជាការប្រសើរគឺរៀបទៅតាមធនធានរបស់ខ្លួន។ នៅគ្រប់ដង្វាយទាំងអស់ត្រូវដាក់ផ្កាម្លិះភួងគ្រប់ដង្វាយ នៅលើជើងពាននិងលើបាយសីត្រូវដោតទៀនហើយដុតបំភ្លឺ។
តាមមហាសង្ក្រាន្ត ទេវតាឆ្នាំថ្មី ឆ្នាំរកានេះ សង្ក្រាន្តនឹងចូលមកដល់ថ្ងៃសុក្រ ៣រោច ខែចែត្រ ត្រូវនឹងថ្ងៃទី ១៤ ខែមេសា ឆ្នាំ ២០១៧ នាវេលាម៉ោង ០៣:១២នាទី។ ចំពោះទេវតាឆ្នាំថ្មីនេះ ព្រះនាម កិមិរាទេវី ជាបុត្រីទី៦នៃកបិលមហាព្រហ្មទ្រង់សោយចេកណាំវ៉ា ជាអាហារ ហើយទ្រង់គង់ផ្ទំបិទព្រះនេត្រលើខ្នង មហឹង្សា (ក្របី) ជាពាហនៈ ចំណែកឯព្រះហស្តស្ដាំទ្រង់កាន់ព្រះខ័ន្ធ រីឯព្រះហស្តឆ្វេងទ្រង់កាន់ពិណ៕
