- 2017-05-23 06:39:45
- ព័ត៌មាន
តាំង គីមឡេង យុវជនវ័យក្មេងដឹកនាំជួយទុរគតជនបានជាង ៤ពាន់នាក់
- 2017-05-23 06:39:45
- ចំនួនមតិ 0 | ចំនួនចែករំលែក 0
តាំង គីមឡេង យុវជនវ័យក្មេងដឹកនាំជួយទុរគតជនបានជាង ៤ពាន់នាក់
ចន្លោះមិនឃើញ
យុវជនតាំង គីមឡេងគឺជាអ្នកដឹកនាំផ្នែកមនុស្សធម៌វ័យក្មេងមួយរូប ដែលត្រូវបានអ្នកលេងហ្វេសប៊ុកជាច្រើននាក់កំពុងចាប់អារម្មណ៍ ព្រមទាំងទទួលបានការកោតសរសើរផងដែរពីសំណាក់ប្រជាជនខ្មែរនានា។ ពិសេសក្នុងរយៈពេលជាង៥ ឆ្នាំមកនេះ រូបគេបានដឹកនាំជួយទុរគតជនសរុបមានជាង ៤០០០ នាក់មកហើយ។
សព្វថ្ងៃគីម ឡេងមានអាយុត្រឹមតែ ២០ ឆ្នាំប៉ុណ្ណោះ ហើយកំពុងសិក្សាផ្នែកច្បាប់ឆ្នាំទី២ នៅឯសកលវិទ្យាល័យនីតិសាស្ត្រ និង វិទ្យាសាស្ត្រសេដ្ឋកិច្ច។ យុវជនដែលមានអ្នក Followers ក្នុងហ្វេសប៊ុកប្រមាណជាង៦ ម៉ឺននាក់រូបនេះ បានបន្តថា មូលហេតុដែលខ្លួនចាប់ផ្ដើមការងារមនុស្សធម៌បែបនេះ ព្រោះតែខ្លួនតែងអាណិតដល់ចាស់ជរា ជនពិការ និង ទុរគតជននានា។
យុវជនរូបនេះបានអោយដឹងទៀតថាដំបូងឡើយគឺចាប់ផ្ដើមធ្វើវាតែម្នាក់ឯងប៉ុណ្ណោះ តាមរយៈការបង្ហោះវីដេអូនែទុរគតជននានា លុះក្រោយមកក៏ទទួលបានការចាប់អារម្មណ៍ពីមិត្តភ័ក្ដិ លោកគ្រូអ្នកគ្រូ និង ប្រជាជនខ្មែរជាច្រើនរូប។ ពិសេសពួកគាត់បានចូលរួមឧបត្ថម្ភជាថវិកា និង លើកទឹកចិត្តអោយបន្តការងារមនុស្សធម៌មួយនេះ ហើយចាប់ពីពេលនោះមកគឺសកម្មភាព និង អ្នកស្ម័គ្រចិត្តចូលរួមគឺកាន់តែរីកធំឡើង។
ចង់ដឹងថា តើការងារអ្វីខ្លះដែលយុវជនតាំង គីមឡេងបានដឹកនាំកន្លងមក សូមទស្សនាបទសម្ភាសន៍ពិស្ដារទាំងអស់គ្នា៖