- 2017-06-26 01:59:14
- សេដ្ឋកិច្ច
គិតទល់ពេលនេះ ផលិតផលកសិកម្មខ្មែរ ៣មុខ បន្តធ្លាក់ថ្លៃ ស្ទើរងើបលែងរួច
- 2017-06-26 01:59:14
- ចំនួនមតិ 0 | ចំនួនចែករំលែក 0
គិតទល់ពេលនេះ ផលិតផលកសិកម្មខ្មែរ ៣មុខ បន្តធ្លាក់ថ្លៃ ស្ទើរងើបលែងរួច
ចន្លោះមិនឃើញ
យើងសង្កេតឃើញថា តម្លៃផលិតផលកសិកម្មជាច្រើនមុខកំពុងបន្តធ្លាក់ថ្លៃជាលំដាប់ ស្ទើរង៉ើបមិនរួច ទន្ទឹមនឹងប្រជាកសិករដែលប្រកបរបរនេះ បាន និងកំពុងដង្ហើយរកជំនួយជាបន្ទាប់ពីរដ្ឋាភិបាល និងក្រុមហ៊ុនវិនិយោគឯកជននានាដើម្បីស្វែងរកដំណោះស្រាយ។
ជាក់ស្ដែង តាមបទសម្ភាសដែល Sabay ទទួលបានពីម្ចាស់កសិដ្ឋាននៅតាមបណ្ដាខេត្ត ពាក់ព័ន្ធនឹងតម្លៃផលិតផលកសិកម្ម ប្រមាណ ៣មុខ កំពុងធ្លាក់ចុះ ង៉ើបលែងរួចមានដូចជា ៖
ជ្រូក ក្នុង ១គីឡូ ៖ នៅឆ្នាំ ២០១៦ ប្រមាណជាង ៨ ០០០រៀល បច្ចុប្បន្នធ្លាក់មកជាង ៥ ០០០រៀល។ នេះបើយោងតាមការអះអាងរបស់លោក លី ឡាវីល អ្នកគ្រប់គ្រងទូទៅនៃក្រុមហ៊ុនM’s Pig។ ដំឡូងមីស្ងួត ១គីឡូ៖ នៅឆ្នាំ ២០១៦ ប្រមាណជា ៥០០រៀល បច្ចុប្បន្នលាក់មក ៣០០រៀល ខណៈតម្លៃដំឡូងមីសើម បច្ចុប្បន្នធ្លាក់ដល់ ១គីឡូ ១០០រៀល។ នេះបើយោងតាមការអះអាងរបស់លោក លី ឡាវីល អ្នកគ្រប់គ្រងទូទៅនៃក្រុមហ៊ុនM’s Pig។
ពងទា ១គ្រាប់ ៖ នៅឆ្នាំ ២០១៦ ប្រមាណជាង ៥០០រៀល បច្ចុប្បន្នធ្លាក់មក ២៣០រៀល នេះតាមការឲ្យដឹងពីលោក សេង រដ្ឋាម្ចាស់កសិដ្ឋានចិញ្ចឹមជ្រូក នៅខេត្តព្រៃវែង។
ជាមួយគ្នានេះ នៅមានផលិតផលកសិកម្មផ្សេងទៀត ជាពិសេសម្រេច ដែលកំពុងតែធ្លាក់ថ្លៃមិនត្រឹមតែនៅក្នុងស្រុកនោះទេ ថែមទាំងកកស្ទះនៅទីផ្សារអន្តរជាតិផងដែរ៕
អត្ថបទ៖ ស៊ិន សាវ៉េត
