- 2018-11-30 03:32:16
- ព័ត៌មាន
ចាំបាច់ទៅណាឆ្ងាយ! ៥កន្លែងនៅខេត្តកំពត សប្បាយកប់សារី អស់លុយតិចទៀត
- 2018-11-30 03:32:16
- ចំនួនមតិ 0 | ចំនួនចែករំលែក 0
ចាំបាច់ទៅណាឆ្ងាយ! ៥កន្លែងនៅខេត្តកំពត សប្បាយកប់សារី អស់លុយតិចទៀត
ចន្លោះមិនឃើញ
រដូវកាលដើរលេងកម្សាន្ត បានមកដល់ទៀតហើយ ម្នាក់ៗកំពុងគិតថា តើគួរទៅដើរលេងនៅឯណាមែនទេ? តោះ! សាកមកស្គាល់៥កន្លែងនៅខេត្តកំពតនេះបន្តិចទៅមើល៍ សុទ្ធតែកន្លែងកម្សាន្តសប្បាយៗ អាចធ្វើឲ្យទទួលបាននូវអារម្មណ៍ដ៏ស្រស់ស្រាយ។
១. ថ្មតាដាសច្ចំ
រមណីយដ្ឋានធម្មជាតិថ្មីមួយទើបត្រូវបង្កើតឡើងប្រហែល៣ឆ្នាំ គឺរមណីយដ្ឋានថ្មតាដាសច្ចំបានទាញទេសចរទាំងខ្មែរ និងបរទេសទៅកម្សាន្តឥតដាច់ដោយសារទឹកធ្លាក់ដ៏ស្រស់ស្អាត និងទេសភាពជួរភ្នំដ៏គួរឲ្យទាក់ភ្នែកតាមផ្លូវឡើង ប្រៀបបានទៅនឹងក្រមុំលាក់ខ្លួនក្នុងជ្រលងភ្នំដ៏ស្រស់ស្អាតមួយ។
បើធ្វើដំណើរពីខេត្តកំពតតាមផ្លូវឆ្ពោះទៅរមណីយដ្ឋានទឹកឈូអ្នកនឹងចំណាយពេលប្រហែល ៣០ នាទី ឬលើសនេះបន្តិចបន្តួច។ រមណីយដ្ឋានមួយនេះមានកន្លែង ទស្សនាជាច្រើន ដូចជា ទឹកជ្រោះអូតាត្រាវ ទឹកជ្រោះធ្លាក់ពីវាលវែង ពងទឹក បត់ដា ទឹកជ្រោះអូ១ ទឹកជ្រោះអូ២ ទឹកជ្រោះអូ៣ ទឹកផុសតាដារូងចន្ទ និង ទឹកធ្លាក់ថ្មតាដាសច្ចំ។
ទៅហួសរមណីយដ្ឋានទឹកឈូប្រហែល ៥ គីឡូម៉ែត្រអ្នកនឹងឃើញផ្លូវបត់ចូលរមណីយដ្ឋានទឹកធ្លាក់ថ្មតាដាសច្ចំ ដោយត្រូវចំណាយពេលឡើងទៅប្រហែល ១៥ ទៅ ២០ នាទីទៀត។
២. សួនសត្វ ញឹម វណ្ណដា
សួនសត្វ ញឹម វណ្ណដា ទឹកឈូ ខេត្ត កំពត គឺជាសួនសត្វធំទី២ បន្ទាប់ពីឧទ្យានសួនសត្វភ្នំ តាម៉ៅ និងមជ្ឈមណ្ឌលសង្គ្រោះសត្វ ព្រៃភ្នំតាម៉ៅ ។ តាមការឲ្យដឹងពីបុគ្គលិក នៅទីនេះ មានសត្វ៤៧ព្រភេទ ដែលសរុបសត្វទាំងអស់មានជាង២០០ ក្បាល។
សួនសត្វ ញឹម វណ្ណដា ទឹកឈូ ខេត្ត កំពត មិនត្រឹមតែមានសត្វទេ នៅទីនេះមានទាំងសួនដំណាំហូបផ្លែ ជាច្រើនប្រភេទផងដែរ ដូចជា សាវម៉ាវ និង ធុរេនជាដើម។
៣.ណាតាយ៉ា
វើដំណើរតាមផ្លូវជាតិលេខ ៣ ពីទីរួមខេត្តកំពតចម្ងាយជាង ១៨ គីឡូម៉ែត្រ នឹងទៅដល់រមណីយដ្ឋានណាតាយ៉ា ដែលជាកន្លែងកម្សាន្តបង្កើតឡើងសម្រាប់អ្នកដែលត្រូវការភាពស្ងប់ស្ងាត់ផ្សារភ្ជាប់ធម្មជាតិ។
ជាមួយបន្ទប់ស្នាក់នៅ ២៣ បន្ទប់ ដែលមានតម្លៃចាប់ពី ៨០ ដុល្លារ ដល់ ២០០ ដុល្លារ ភ្ញៀវដែលមកកម្សាន្តនឹងទទួលបានការផ្តល់សេវាប្រកបដោយការយកចិត្តទុកដាក់ ជាមួយម្ហូបអាហារយ៉ាងឆ្ងាញ់ពិសាររួមទាំងការកម្សាន្តនានា បន្ថែមពីលើបន្ទប់ស្នាក់នៅដែលតុបតែងប្រកបដោយភាពរ៉ូម៉េទិក។
៤. រមណីយដ្ឋាន Kampot River Residence
រមណីយដ្ឋានKampot River Residence ជាកន្លែងកម្សាន្តធម្មជាតិដ៏ស្រស់ស្អាតមួយ ដែលមានទីតាំងស្ថិតនៅភូមិកំពង់ក្រែង ឃុំកំពង់ក្រែង ស្រុកទឹកឈូ ខេត្តកំពត។ ទីកន្លែងនេះ ព័ទ្ធជុំវិញទៅដោយជួរភ្នំ វាលស្រែពណ៌បៃតងខ្ចី ដងព្រែកដែលមានទឹកថ្លាយង់គួរឲ្យចង់គយគន់មិនជិនណាយ។
ក្រៅពីមានទេសភាពស្អាតហើយរមណីយដ្ឋានមួយនេះក៏មានកន្លែងស្នាក់នៅដ៏មានផាសុកភាពផងដែរ គឺមានផ្ទះសង់ពីឈើ នៅដាច់ៗពីគ្នា។ ការតុបតែងនៅខាងក្នុងមានរបៀបរៀបរយ តាមលក្ខណៈបុរាណ និងសម័យ ដែលអាចស្នាក់នៅជាលក្ខណៈ ក្រុមគ្រួសារ មិត្តភក្តិ ឬគូស្នេហ៍ ។
៤. បឹងកាឡូបែបធម្មជាតិ Yellow Sun Hostel
បឹងកាឡូធម្មជាតិមួយមានចំងាយ ប្រមាណ ២គីឡូមែត្រ ពីសារមន្ទីខេត្តកំពត លោកអ្នកអាចលំហែកាយជួបជុំជាមួយគ្រួសារ មិត្តភក្តិ ក្នុងថ្ងៃឈប់សម្រាកយ៉ាងរីករាយបំផុត។
Yellow Sun Hostel ដែលជាកន្លែងស្នាក់នៅជាលក្ខណៈបឹងកាឡូបែបធម្មជាតិនៅខេត្តកំពត មានសួនច្បារ និង បារសម្រាប់លេង កម្សាន្ត មិនតែប៉ុណ្ណោះ យើងអាចជិះទូកលេងកម្សាន្តតាមមាត់បឹងទៀតផង។
ដោយឡែក បន្ទប់ស្នាក់នៅវិញ សម្រាប់ថ្ងៃធម្មតា រឺថ្ងៃបុណ្យ បន្ទប់បឹងកាឡូមាត់ទឹក រឺជិតមាត់ទឹក តម្លៃត្រឹមតែ ១២ដុល្លារក្នុងមួយយប់។ បោះតង់មួយយប់ ៥ ដុល្លារ មានតង់ ពូក ខ្នោយ ភួយ និងកន្សែងអាចគេងបានពីនាក់។ ជាងនេះទៀត ក៏មានបន្ទប់ប្រភទធំបែប Dorm គេងបាន ១០នាក់ មួយនាក់ ៤ដុល្លារក្នុង មួយយប់។
៥. ឧទ្យានដងព្រែក
ឧទ្យានដងព្រែក មានទីតាំងស្ថិតនៅជិតតំបន់ទឹកធ្លាក់ទឹកឈូ មានចម្ងាយពីទីរួមខេត្តកំពតប្រហែល ១០គីឡូម៉ែត្រ។ រៀងរាល់ចុងសប្ដាហ៍ និងថ្ងៃឈប់សម្រាកនានា ឧទ្យានមួយនេះ មានភ្ញៀវទេសចរមកកម្សាន្តយ៉ាងច្រើនកុះករ នោះ ៨០ភាគរយ ជាភ្ញៀវជាតិ និង ២០ភាគរយទៀតជាភ្ញៀវអន្តរជាតិ។
ភ្ញៀវទេសចរណ៍ អាចកម្សាន្តតាមរយៈការជិះទូកនៅក្នុងទឹកព្រែកដ៏ថ្លាឈ្វេង គយគន់ទេសភាពនៅតាមមាត់ព្រែកដ៏ស្រស់បំព្រង។ ចំពោះតម្លៃវិញ រយៈពេល ១ម៉ោងត្រឹមតែ៥ដុល្លារប៉ុណ្ណោះ។ ពិសេសប្រិយមិត្តក៏អាចសាកល្បងការកម្សាន្តថ្មី បែបព្រឺព្រួច នោះគឺការជិះខ្សែរ៉តចេញពីដើមឈើកម្ពស់ជាង ១០ម៉ែត្រ ដើម្បីឆ្លងពីត្រើយម្ខាង ទៅត្រើយម្ខាងទៀត ដែលមានប្រវែងប្រមាណ ២០០ម៉ែត្រ មានតម្លៃ ៧.៥ដុល្លារ៕
