- 2019-01-24 04:12:32
- ព័ត៌មាន
កូរ៉េខាងត្បូងចោទយន្ដហោះល្បាតជប៉ុនបង្កការគំរាមកំហែងនៅឧបទ្វីបកូរ៉េ
- 2019-01-24 04:12:32
- ចំនួនមតិ 0 | ចំនួនចែករំលែក 0
កូរ៉េខាងត្បូងចោទយន្ដហោះល្បាតជប៉ុនបង្កការគំរាមកំហែងនៅឧបទ្វីបកូរ៉េ
ចន្លោះមិនឃើញ
កងទ័ពកូរ៉េខាងត្បូង បានធ្វើការចោទប្រកាន់ជប៉ុនថាកំពុងបង្កការគំរាមកំហែងដល់ខ្លួនក្រោយយន្ដហោះល្បាតរបស់ជប៉ុនហោះក្នុងរយៈកម្ពស់ទាបពីលើនាវាចម្បាំងរបស់កូរ៉េខាងត្បូងកាលពីថ្ងៃពុធ។
យោងតាមអគ្គសេនាធិការចម្រុះនៃក្រុងសេអ៊ូលឲ្យដឹងថា យន្ដហោះល្បាតរបស់ជប៉ុនបានធ្វើការហោះហើរក្នុងរយៈកម្ពស់ពី ៦០ ទៅ ៧០ម៉ែត្រពីលើនាវាចម្បាំងរបស់កូរ៉េខាងត្បូងនៅសមុទ្រភាគនិរតីនៃឧបទ្វីបកូរ៉េ។ ការប្រកាសនេះ ធ្វើឡើងបន្ទាប់ពីមានជម្លោះជាច្រើនសប្តាហ៍រវាងយោធារបស់ប្រទេសទាំងពីរជុំវិញការចោទប្រកាន់របស់ជប៉ុនថា នាវាចម្បាំងកូរ៉េខាងត្បូងមួយ បានតម្រង់រ៉ាដាត្រួតពិនិត្យរបស់ខ្លួនមកលើយន្តហោះល្បាតជប៉ុនកាលពីខែធ្នូ។ ប៉ុន្តែ កងយោធាកូរ៉េខាងត្បូងបានបដិសេធការចោទប្រកាន់នេះ និងធ្វើការចោទប្រកាន់បកវិញការបង្កជម្លោះរបស់យន្ដហោះល្បាតជប៉ុន។
យ៉ាងណាមិញ រដ្ឋមន្ត្រីការពារជាតិជប៉ុនលោក Takeshi Iwaya បានបដិសេធការចោទប្រកាន់នេះ ដោយនិយាយថាយន្តហោះល្បាតរបស់ខ្លួនហោះខ្ពស់ជាងពីរដងលើអ្វីដែលកូរ៉េខាងត្បូងអះអាង។ជាមួយគ្នាដែរ លោក Yoshihide Suga លេខាខុទ្ទកាល័យគណៈរដ្ឋមន្ត្រីជប៉ុន បាននិយាយថា អាជ្ញាធរការពារជាតិជប៉ុន និងកូរ៉េខាងត្បូងគួរតែព្យាយាមទាក់ទងគ្នាឲ្យបានច្រើនជាងនេះដើម្បីឲ្យយល់ដឹងពីគ្នាកាន់តែប្រសើរឡើង៕
ចុចអាន ៖