- 2019-04-24 03:28:18
- ជំនឿ
ត្រណមទាំង ៤គួរធ្វើតាមដាច់ខាតពេលសង់ផ្ទះ បើមិនចង់ឲ្យផ្ទះនៅមិនកើត លក់មិនចេញ
- 2019-04-24 03:28:18
- ចំនួនមតិ 0 | ចំនួនចែករំលែក 0
ត្រណមទាំង ៤គួរធ្វើតាមដាច់ខាតពេលសង់ផ្ទះ បើមិនចង់ឲ្យផ្ទះនៅមិនកើត លក់មិនចេញ
ចន្លោះមិនឃើញ
ខាងក្រោមនេះគឺជាត្រណមដែលត្រូវតែចងចាំពេលសង់ផ្ទះថ្មី បើចេតនាធ្វើល្មើស ឬមិនចាប់អារម្មណ៍នោះ ម្ចាស់ផ្ទះនឹងពិបាករស់នៅសុខស្រួលណាស់។
១. ហាមដាំដើមឈើធំ ឬបោះបង្គោលភ្លើងនៅពីមុខផ្ទះ
ដើមឈើធំ និងបង្គោលភ្លើងមិនត្រូវដាំ ឬបោះនៅពីមុខផ្ទះឡើយ ព្រោះតាមចាស់បុរាណរបស់២ មុខនេះ ងាយមានអ្នកមកនៅ អាចទាក់ទាញខ្មោចព្រាយបិសាចឲ្យនៅ ធ្វើឲ្យលាភជ័យពិបាកហូរចូល សុខភាពក៏មិនល្អ។
២. ហាមសង់ផ្ទះលើដីរាងត្រីកោណ ឬមិនស្មើ
សង់ផ្ទះលើដីត្រីកោណគឺមហាគ្រោះ ព្រោះភូមិសាស្ត្របែបនេះនឹងកាត់ផ្ដាច់សមាជិកនៅក្នុងគ្រួសារចេញពីគ្នា។ ធ្វើឲ្យគ្រួសារមិនចុះសម្រុងគ្នា ឈ្លោះប្រកែកគ្មានថ្ងៃល្ហែ។ បើអាក្រក់ អាចឈានដល់ប្ដឹងផ្ដល់គ្នាក៏មាន។
៣. តមសង់ផ្ទះនៅចុងផ្លូវ ផ្លូវទាល់
ចាស់បុរាណមិនឲ្យសង់ផ្ទះនៅចុងផ្លូវ ឬផ្លូវទាល់ព្រោះកន្លែងទាំងនេះ បើគិតតាមក្បួនហុងស៊ុយ គឺមិនល្អខ្លាំង ព្រោះសុទ្ធតែជាកន្លែងដែលឥទ្ធិពលវិជ្ជមានមិនអាចចូលដល់ ហើយពោរពេញតែទៅដោយចំហាយអាក្រក់។ សូម្បីតែជំនាងផ្ទះ ឬអ្នកតាក៏មិនចង់ចូលនៅ ធ្វើឲ្យម្ចាស់ផ្ទះមានអារម្មណ៍ថាអួអាប់ សោះកក្រោះ។
៤. របៀបសង់ទ្វារខាងមុខ
ទ្វារចូលផ្ទះគឺជាផ្នែកដ៏សំខាន់បំផុតនៃផ្ទះនីមួយៗនៅក្នុងក្បួនហុងស៊ុយ។ ទ្វារតំណាងឲ្យឥទ្ធិពលរបស់ម្ចាស់ផ្ទះផ្ទាល់។ នៅពេលធ្វើទ្វារ ម្ចាស់ផ្ទះគួរចាប់អារម្មណ៍រឿងទាំងនេះ។
*ទ្វារមុខត្រូវសង់ឲ្យធំ ច្បាស់លាស់ លេចធ្លោ
*ទ្វារមុខត្រូវតែបើកចេញពីក្នុង
*ត្រូវធានាថា នៅលើទ្វារធំគ្មានបង្អួចអ្វីបន្ថែម
*ពីទ្វារមុខ ធ្វើយ៉ាងម៉េចកុំឲ្យមើលឃើញបន្ទប់ទឹក ឬរបស់កខ្វក់
*ជណ្ដើរមិនត្រូវដាក់ផ្នែកខាងមុខ ឬទល់មុខទ្វារធំ ព្រោះលាភនឹងហូរចេញតាមនេះអស់៕