- 2019-04-30 06:31:10
- ព័ត៌មាន
វៀតណាមចាយលុយជាង ៣០០លានដុល្លារ សង់រោងចក្រថាមពលពន្លឺព្រះអាទិត្យធំជាងគេនៅអាស៊ីអាគ្នេយ៍
- 2019-04-30 06:31:10
- ចំនួនមតិ 0 | ចំនួនចែករំលែក 0
វៀតណាមចាយលុយជាង ៣០០លានដុល្លារ សង់រោងចក្រថាមពលពន្លឺព្រះអាទិត្យធំជាងគេនៅអាស៊ីអាគ្នេយ៍
ចន្លោះមិនឃើញ
រោងចក្រថាមពលពន្លឺព្រះអាទិត្យធំជាងគេបង្អស់នៅអាស៊ីអាគ្នេយ៍ ត្រូវសម្ពោធឡើងកាលពីថ្ងៃទី ២៧ខែមេសានេះក្នុងខេត្ត Ninh Thuan ប្រទេសវៀតណាម។
យោងតាមសារព័ត៌មាន VNExpress online ឲ្យដឹងថា ក្រុមហ៊ុន BIM Group ដែលជាម្ចាស់គម្រោងនេះបានចាប់ផ្ដើមការសាងសង់កាលពីខែមករាឆ្នាំ ២០១៨កន្លងទៅដែលបានចុះកិច្ចព្រមព្រៀងជាមួយ Vietnam Electricity។ រោងចក្រថាមពលពន្លឺព្រះអាទិត្យនេះ ត្រូវបានសាងសង់ឡើងដោយប្រើប្រាស់ផ្ទាំងសូឡាជាង ១លានផ្ទាំងសម្រាប់ផលិតអគ្គិសនីក្នុងទំហំ ៣៣០មេហ្គាវ៉ាត់។ សម្រាប់ការចំណាយក្នុងការសាងសង់មានរហូតដល់ជាង ៣០០លានដុល្លារ ខណៈពេលដែលក្រោយការដាក់សម្ពាធ ត្រូវបានរំពឹងថារោងចក្រនេះនឹងអាចផលិតអគ្គិសនីបាន ៦០០លានមេហ្គាវ៉ាត់ក្នុងមួយឆ្នាំៗសម្រាប់ផ្គត់ផ្គង់ដល់ផ្ទះជាង ២០០ ០០០ខ្នង និងជួយកាត់បន្ថយការបំពុល C02 ជាង ៣០ម៉ឺនតោនក្នុងមួយឆ្នាំ។
ជាមួយគ្នា ក្រុមហ៊ុន BIM បញ្ជាក់ថាការសាងសង់រោងចក្រថាមពលពន្លឺព្រះអាទិត្យនេះ គឺដើម្បីការពារបរិស្ថានក៏ដូចជាប្រយុទ្ធប្រឆាំងនឹងបម្រែបម្រួលអាកាសធាតុ និងជាការគិតគូរដល់អនាគតរបស់ប្រទេសជាតិផងដែរ៕
