/5d107573b622f_1561359720_medium.jpg)
- 2019-06-24 07:04:22
- ព័ត៌មាន
ចាប់ខ្លួនអធិការនៃក្រសួងសំណង់វៀតណាម ៥រូប ពាក់ព័ន្ធការទាមទារសំណូក
- 2019-06-24 07:04:22
- ចំនួនមតិ 0 | ចំនួនចែករំលែក 0
ចាប់ខ្លួនអធិការនៃក្រសួងសំណង់វៀតណាម ៥រូប ពាក់ព័ន្ធការទាមទារសំណូក
ចន្លោះមិនឃើញ
អធិការ ៥រូបនៃក្រសួងសំណង់របស់វៀតណាម ត្រូវបានចាប់ខ្លួនពីបទទាមទារសំណូករាប់លានដុងពីក្រុមហ៊ុននៅខេត្ត Vinh Phuc។
យោងតាមអាជ្ញាធរឲ្យដឹងថា អធិការទាំង ៥រូប ត្រូវបានប៉ូលិសនៃខេត្ត Vinh Phuc ចាប់ខ្លួនកាលពីរសៀលថ្ងៃពុធកន្លងទៅ។ ខណៈពេលដែលបំពេញការងារក្នុងសង្កាត់ Vinh Phuc អធិការទាំង ៥មានតួនាទីត្រួតពិនិត្យគម្រោងទាំងអស់នៅក្នុងខេត្ត។ ប៉ុន្តែពួកគេ បានទារលុយជាង ១ប៊ីលានដុង (៤៣ ០០០ដុល្លារ) សម្រាប់គម្រោងមួយដើម្បីអនុញ្ញាតឲ្យសាងសង់។ យោងតាមរដ្ឋមន្ត្រីក្រសួងសំណង់វៀតណាមលោក Nguyen Xuan Phuc ឲ្យដឹងកាលពីថ្ងៃសុក្រថា លោកនឹងមិនលើកលែងឲ្យបទឧក្រិដ្ឋដូចនេះទេហើយលោកនឹងដាក់ពិន័យធ្ងន់ធ្ងរសម្រាប់អ្នកដែលហ៊ានល្មើស។
ទោះយ៉ាងណាក៏ដោយ អ្នកនាំពាក្យក្រសួងអះអាងថា ព័ត៌មានបន្ថែមពីករណីនេះ នឹងត្រូវបានចុះផ្សាយជាបន្ដបន្ទាប់ទៀតក្រោយការស៊ើបអង្កេតត្រូវបញ្ចប់៕
