- 2019-07-22 09:59:33
- សុខភាព
មិនចង់ទ្រុឌទ្រោមឆ្អឹងមុនជរា ត្រូវកាត់បន្ថយទម្លាប់អាក្រក់ៗទាំងនេះ
- 2019-07-22 09:59:33
- ចំនួនមតិ 0 | ចំនួនចែករំលែក 0
មិនចង់ទ្រុឌទ្រោមឆ្អឹងមុនជរា ត្រូវកាត់បន្ថយទម្លាប់អាក្រក់ៗទាំងនេះ
ចន្លោះមិនឃើញ
ទម្លាប់នៃការរស់នៅហូបចុក គ្មានការគ្រប់គ្រង ចេះតែញ៉ាំរបស់ដែលមិនជំនួយដល់សុខភាព ហើយមិនចូលចិត្តដើរចេញក្រៅ សម្ងំនៅតែផ្ទះនោះ អាចធ្វើឲ្យអាយុខ្លីបាន។ ម៉្យាងទៀតខ្លួនប្រាណមិនអាចលូតលាស់បានទេ បើនៅតែខ្ជិលបែបនេះ។ ទាំងនេះទម្លាប់អាក្រក់ៗ ដែលអាចនាំឲ្យរាងកាយកាន់តែទ្រុឌទ្រោមពីមួយថ្ងៃទៅមួយថ្ងៃ៖
១. មើលទូរទស្សន៍យូរពេក
ចូលចិត្តមើលទូរទស្សន៍មិនមែនជារឿងអាក្រក់នោះទេតែអ្វីដែលមិនល្អនោះ គឺអ្នកមិនដឹងថាចំណាយពេលប៉ុន្មានក្នុងការមើល។ ម៉្យាងទៀតបើអង្គុយស្ងៀមមិនមានបម្រែបម្រួល នឹងធ្វើឲ្យឆ្អឹងខ្នងមានបញ្ហា ហើយមានការឈឺចាប់នៅថ្ងៃក្រោយ ដូចនេះមិនត្រូវអង្គុយនៅមួយកន្លែងរយៈពេលយូរនោះទេ ត្រូវមានលំហាត់ប្រាណពត់ដៃ ពត់ជើង។
២. ញ៉ាំអំបិលច្រើន
ញ៉ាំអំបិលកាន់តែច្រើន ជាតិកាល់ស្យូមនៅក្នុងខ្លួននិងកាន់តែធ្លាក់ចុះ។ ហេតុនេះក្នុងមួយថ្ងៃមិនត្រូវញ៉ាំអំបិលលើសពី ២៣០០ មីលីក្រាមនោះទេ។ អាហារដែលគួរតែកាត់បន្ថយមានដូចជា នំបុ័ង ឈីស ដំឡូងបារាំងបំពង។
៣. នៅកន្លែងគ្មានពន្លឺព្រះអាទិត្យ
មិនគួរនៅកន្លែងដែលគ្មានពន្លឺព្រះអាទិត្យយូរពេកទេ ព្រោះរាងកាយត្រូវការវីតាមីន D។ អ្នកគួរតែចំណាយពេល ២ ទៅ ៣ ដងក្នុងមួយអាទិត្យហើយត្រឹមតែ ១០ ទៅ ១៥ នាទីប៉ុណ្ណោះ។ ប៉ុន្តែមិនគួរនៅក្រោមពន្លឺព្រះអាទិត្យយូរពេកទេជាពិសេសនៅពេលថ្ងៃក្ដៅខ្លាំងព្រោះវាអាចបណ្ដាលអោយមានជំងឺមហារីកស្បែក។ ដើម្បីជាជំនួយដល់រាងកាយអ្នកអាចសាកល្បងញ៉ាំអាហារទាំងនេះបានមានដូចជា គ្រាប់ធញ្ញជាតិ ទឹកផ្លែឈើ និងទឹកដោះគោ ព្រោះអាហារទាំងនេះសម្បូរដោយជាតិវីតាមីនD។
៤. ស្រា
ពិតណាស់ការជួបជុំមិត្តភ័ក្ដិភាគច្រើនសុទ្ធតែផឹកស្រា ដើម្បីឲ្យកម្មវិធីកាន់តែសប្បាយ។ ប៉ុន្តែអ្នកគួរតែឧស្សាហ៍ទៅពិនិត្យឆ្អឹង ហើយកាត់បន្ថយការផឹកស្រាពីចំនួនច្រើនមកតិចវិញ។ ចំនួនដែលមនុស្សស្រីអាចញ៉ាំបានមិនគួរលើសពី ១ដបក្នុងមួយថ្ងៃ បើមនុស្សប្រុសវិញត្រឹមតែ ២ដបប៉ុណ្ណោះ។
៥. ជិះកង់
ជិះកង់ច្រើនអាចជួយដល់សុខភាព បេះដូង និងសួតកាន់តែរឹងមាំ តែជិះកង់ច្រើនមិនសូវជាជំនួយឆ្អឹងនោះទេ។ អ្នកឆ្លៀតពេលមករត់ ដើរ ឬឡើងភ្នំវិញ ព្រោះវាអាចជួយដល់ឆ្អឹងច្រើនជាង។
៦. ជក់បារី
នៅពេលអ្នកជក់បារីទៀងទាត់ រាងកាយអ្នកមិនអាចបង្កើតជាលិកាឆ្អឹងរឹងមាំបានទេ។ កាលណាជក់បារីកាន់តែច្រើនឆ្អឹងរបស់អ្នកកាន់តែទ្រុឌទ្រោម ប៉ុន្តែបើអ្នកឈប់ជក់បារីអ្នកអាចនិងធូរស្បើយវិញទោះបីជា ត្រូវចំណាយពេលយូរក្នុងការព្យាបាលក៏ដោយ។
