- 2019-07-25 03:30:55
- ព័ត៌មាន
ក្ដៅៗ! កូរ៉េខាងជើង បាញ់មីស៊ីលចម្ងាយជិត ២គ្រាប់ចូលសមុទ្រក្រោយជំនួបកំពូល
- 2019-07-25 03:30:55
- ចំនួនមតិ 0 | ចំនួនចែករំលែក 0
ក្ដៅៗ! កូរ៉េខាងជើង បាញ់មីស៊ីលចម្ងាយជិត ២គ្រាប់ចូលសមុទ្រក្រោយជំនួបកំពូល
ចន្លោះមិនឃើញ
រដ្ឋាភិបាលក្រុងព្យុងយ៉ាង ត្រូវបានរាយការណ៍ថាបាញ់មីស៊ីលចម្ងាយជិតចំនួនពីរគ្រាប់ពីឆ្នេរភាគខាងកើតរបស់ខ្លួនរយៈពេលប៉ុន្មានសប្ដាហ៍ប៉ុណ្ណោះក្រោយជំនួបកំពូលជាមួយប្រធានាធិបតីអាមេរិកនៅតំបន់គ្មានកងទ័ព។
យោងតាមសារព័ត៌មានកូរ៉េខាងត្បូងឲ្យដឹងថា មីស៊ីលចំនួនពីរគ្រាប់ត្រូវបានបាញ់ក្នុងរយៈចម្ងាយជាង ៣០០គីឡូម៉ែត្រដែលបណ្ដាលឲ្យមានភាពតានតឹងជាថ្មីនៅឧបទ្វីបកូរ៉េ។ ការបាញ់បង្ហោះនេះ ត្រូវបានរាយការណ៍ថាជាការបង្ហាញសាច់ដុំជាលើកដំបូងក្រោយមេដឹកនាំកូរ៉េខាងជើង ជួបជាមួយប្រធានាធិបតីអាមេរិកនៅតំបន់គ្មានកងទ័ពកាលពីចុងខែមិថុនាកន្លងទៅ។ យ៉ាងណាមិញ មកទល់ពេលនេះមិនទាន់មានសេចក្ដីថ្លែងការណ៍ណាមួយពីសេតវិមានពាក់ព័ន្ធនឹងការបាញ់បង្ហោះមីស៊ីលជាថ្មីរបស់កូរ៉េខាងជើងនៅឡើយទេ។
គួរបញ្ជាក់ថា រដ្ឋាភិបាលប្រទេសទាំងពីរ គ្រោងនឹងបើកកិច្ចពិភាក្សាថ្នាក់ខ្ពស់ជាថ្មីម្ដងទៀតចាប់តាំងពីកូរ៉េខាងជើងរិះគន់អាមេរិកដែលបានពួតដៃធ្វើសមយុទ្ធជាមួយកងទ័ពកូរ៉េខាងត្បូង៕